Diferencia entre revisiones de «Isaac Albéniz»
Sin resumen de edición |
m r2.6.4) (Robot Modificato: uk:Ісаак Альбеніс |
||
Linia 98: | Linia 98: | ||
[[sv:Isaac Albéniz]] |
[[sv:Isaac Albéniz]] |
||
[[tr:Isaac Albéniz]] |
[[tr:Isaac Albéniz]] |
||
[[uk: |
[[uk:Ісаак Альбеніс]] |
||
[[vi:Isaac Albeniz]] |
[[vi:Isaac Albeniz]] |
||
[[zh:伊萨克·阿尔贝尼兹]] |
[[zh:伊萨克·阿尔贝尼兹]] |
Versión d'o 00:06 18 may 2011
Isaac Albéniz | ||
---|---|---|
Isaac Albéniz en 1901.
| ||
Información personal | ||
Nombre | {{{Nombre_de_naiximiento}}} | |
Embotada | {{{Alias}}} | |
Naixió | {{{Naiximiento}}} | |
Murió | 18 de mayo de 1909, Cambo-les-Bains (Aquitania, Occitania) | |
Información musical | ||
Orichen | ||
Estilo | Mosica clasica | |
Ocupancia | {{{Ocupancia}}} | |
Instrumentos | {{{Instrumento}}} | |
Tiempo | ||
Discograficas | ||
Relacionau con | {{{Artistas_relacionaus}}} | |
Pachina web |
Isaac Manuel Francisco Albéniz (Camprodon, Chirona, 29 de mayo de 1860 - Cambo-les-Bains, Aquitania, 18 de mayo de 1909) estió un compositor y entrepite de piano. No solament s'adedicó a la mosica ta iste instrumento, tamién escribió temas ta o teatro y más de dos dotcenas de cantas, asinas como diversos temas orquestals y de cambra.
Primeras anyadas
A vida d'Isaac Albéniz, más que más a infancia y a choventut, ye una d'as más apasionants d'a historia d'a mosica. Estió un nino prodichio que debutó como pianista con nomás quatro anyos, en un recital en Barcelona en o Teatro Romea. Estudió piano en ista ciudat, y dimpués en París con Antoine François Marmontel, y prebó d'ingresar en o conservatorio de París, encara que no lo consiguió: aprobó l'examen pero li refusoron l'admisión por a suya choventut.
A suya formación
Continó os estudios en Madrit, a on s'heba tresladato a suya familia en 1869. Teneba un caracter inquieto, s'eslampó de casa a los diez anyos d'edat y recorrió diversas ciudatz y lugars de Castiella organizando os suyos propios conciertos. Una segunda fuyita, en 1872, lo levó ta Buenos Aires.
Dende 1875 fació conciertos en os Estatos Unitos, Londres y Leipzig, a on estudeó en o Conservatorio, antis de matricular-se en o Conservatorio de Bruselas. Protechito por o secretario particular d'Alifonso XII, podió continar os estudios en o Conservatorio de Bruselas. Mientres a suya estancia en Leipzig conoixió a Liszt, que portó a Albéniz ta beluns d'os suyos conciertos.
A suya madureza artistica
En 1882 se casó con Rosina Jordana, con qui tenió tres fillos. Cécilia Ciganer-Albéniz, exmuller d'o president francés Nicolás Sarkozy ye biznieta d'Isaac Albéniz a traviés d'a suya nieta Diane Albéniz.
Conoixió a Felipe Pedrell, considerato como o fundador de l'escuela de mosica nacional espanyola, que l'animó a componer obras d'ixa escuela, y ye asinas como Albéniz componió a suya Suite espanyola.
Dende 1889, residiba en París y en Londres, encara que dende 1893 establió a suya residencia prencipal en Francia.
Debito a la nefritis que teneba, se tresladó a lo balneyario de Cambo-les-Bains (en o departamento francés de Perineus Atlanticos), a on morió lo 18 de mayo de 1909.
Premios
Isaac Albéniz recibió a Lechión d'Honor d'o Gubierno francés.
Obras (selección)
- Suite espanyola (1886)
- Recuerdos de viaje (1887); que incluye Rumores de la caleta.
- Segunda Suite espanyola (1889)
- Iberia (1905-1908),
- Iberia, version orquestata por Enrique Fernández Arbós.
- Operas, d'entre as qualas: San Antonio de la Florida, Henry Clifford, Merlín, Pepita Jimenez.
Enrastres externos
- Se veigan as imáchens de Commons sobre Isaac Albéniz.
- (en) Vida y obra d'Isaac Albéniz.
- (es) Isaac Albéniz en o Centro Virtual Cervantes.
- (es) Fundación Albéniz.