Diferencia entre revisiones de «Íxar»
→Toponimia: Ya he trobau la interpretación de lo Toponimo ''Cultía'' [http://ifc.dpz.es/recursos/publicaciones/29/95/47terrado.pdf] |
|||
| Linia 62: | Linia 62: | ||
Lo suyo nombre ye de dificil interpretación. [[Agustín Ubieto Arteta]] rechistra as variants ''Yxar'' y ''Xyarc''. Atros autors han documentato ''Izar'' que no ye problablement significatiba en lo fonetico, porque [[Manuel Alvar]] explica que a vegatas s'emplegaba pa representar lo [[fonema fricativo xordo]] x u sh en textos [[latín meyeval|latins]]. La forma ''Izar'' en textos [[romanze]]s tardanos, como ''Pobla de Izar'' en lo [[Fogache de 1495]], puet estar una prebatina d'adaptación a lo [[idioma castellán|castellán]] escrito seguindo lo modelo de ''pex-pez'', ''xata-azada'', ''faxo-haz'', ''ruxiar-rociar''. |
Lo suyo nombre ye de dificil interpretación. [[Agustín Ubieto Arteta]] rechistra as variants ''Yxar'' y ''Xyarc''. Atros autors han documentato ''Izar'' que no ye problablement significatiba en lo fonetico, porque [[Manuel Alvar]] explica que a vegatas s'emplegaba pa representar lo [[fonema fricativo xordo]] x u sh en textos [[latín meyeval|latins]]. La forma ''Izar'' en textos [[romanze]]s tardanos, como ''Pobla de Izar'' en lo [[Fogache de 1495]], puet estar una prebatina d'adaptación a lo [[idioma castellán|castellán]] escrito seguindo lo modelo de ''pex-pez'', ''xata-azada'', ''faxo-haz'', ''ruxiar-rociar''. |
||
Son intresants os microtoponimos ''El Coscollar'', ''Chumilla'' y ''[[Lo Ciparuelo|el Ciparuelo]]''. Bi ha carreras con nombre que pareix [[idioma aragonés|aragonés]] como ''La Boleta'', ''La Cantonada'', ''Plano Alto'' y ''Plano Bajo''. |
Son intresants os microtoponimos ''El Coscollar'', ''Chumilla'' y ''[[Lo Ciparuelo|el Ciparuelo]]''. Bi ha carreras con nombre que pareix [[idioma aragonés|aragonés]] como ''La Boleta'', ''La Cantonada'', ''Plano Alto'' y ''Plano Bajo''. Lo toponimo ''[[La Cultía (Baixo Martín)|La Cultía]]'', finca y antigo nuclio de población, ye intresant porque tamién se troba en la microtoponimia ribagorzana (en [[Lo Pont de Suert]], [[Sas]], [[Esperan]], [[Erta]], [[Peranera]], [[Castellars]]) y provién de lo latín ''CULTIVA''. |
||
Lo sacerdot Mosen Domingo Gascón escribió los nombres de las partitas ixaranas en ''Miscelanea Turolense'', 21 d'o 20 de marzo de [[1897]] <ref>[[Mariano Laborda]] RECUERDOS DE HÍJAR. Editato por o Centro de Iniciativas Turísticas del Quadro Artístito de Híjar, 1980</ref>: |
Lo sacerdot Mosen Domingo Gascón escribió los nombres de las partitas ixaranas en ''Miscelanea Turolense'', 21 d'o 20 de marzo de [[1897]] <ref>[[Mariano Laborda]] RECUERDOS DE HÍJAR. Editato por o Centro de Iniciativas Turísticas del Quadro Artístito de Híjar, 1980</ref>: |
||
Versión d'o 16:28 9 may 2011
| Íxar | ||
| Municipio d'Aragón | ||
| ||
 | ||
| Entidat • País • Provincia • Comarca |
Municipio Aragón.svg){kind=small} TeruelBaixo Martín | |
| Superficie | 165,4 km² | |
| Población • Total |
1797 hab. (2013) | |
| Altaria • Meyana |
291 m. | |
| Distancia • 171 km |
enta Teruel | |
| Alcalde | Luis Carlos Marquesan Forcen | |
| Codigo postal | 44530 | |
| Ríos | Martín | |
| Coordenadas | ||
| Web oficial | ||
.svg)
Íxar (Híjar en castellán) ye una villa y municipio de la provincia de Teruel, capital de la comarca de lo Baixo Martín. La suya población ye de 1.949 habitants (2005), en una superficie de 165,4 km².
Cheografía
La part viella ye situata en un pueyo que ye entre un barranco y la ribera de lo río Martín, pero lo lugar tamién ye estendillato por parte de la ribera de lo río. Lo lugar ye en la parte oriental d'un termin ye muito alargato en dirección norueste-sudeste.
Mugas
| Lecera, Belchit, Binazeit, Almochuel | La Puebla d'Íxar | Sant Per de Calanda |
| Albalat de l'Arcebispe, Urreya de Gayén | 
|
Alcanyiz |
| Andorra |
Historia
La reconquiesta definitiva fue obra de Galín Ximénez, sinyor de Belchit en tiempos de Remón Berenguer IV.
En 1261 pasó a Ximeno d'Urreya por un pleito que i habió entre Ximeno y Donya Elvira de Luesia sobre la posesión y dreito de la metat de la villa y lo suyo castiello. En 1267 la filla de Don Ximeno cedió la metat de Íxar a Chaime I d'Aragón a cambeyo de la villa y castiello de Tierga.
En 1268 amanix la Senyoría d'Íxar quan Chaime I atorga la metat d'Íxar y Urreya d'Íxar a lo suyo fillo borde Pero Ferrández a cambeyo d'unas propiedatz que teneba en lo Reino de Valencia. Este fillo esdevinió lo primer sinyor d'Íxar y prenió como apellito este toponimo: Pero Ferrández d'Íxar, encomenzando la Casa d'Íxar.
En 1280 se concede a Íxar lo dreito a celebrar ferias.[1]
Parla
La chent viella de lo lugar mantién muito lexico aragonés, lexico replegato por lo erudito local Mariano Laborda en lo segundo tomo de Recuerdos de Híjar [2]. A més de muitos aragonesismos comuns con tota la Val de l'Ebro, y a més d'atros aragonesismos comuns con la redolata y las comarcas orientals de la provincia de Teruel (a sobén, chirigallo, charraire), bi ha aragonesismos no documentatos en atros lugars de la redolata: binardo, frajenco, falordia, malenco, alufrar, rebuscallo y sobater. Tamién bi ha presuntos catalanismos como alum y capel.
L'aragonés que se charraba enantes d'o castellán de sostrato aragonés actual yera prou vital pa que os sinyors d'Íxar y dimpués duques escribisen en romance ya en l'anyo 1300.
Toponimia
La primera mención d'Íxar ye en 1179 quan donoron Alcanyiz a la Orden de Calatrava:
Lo suyo nombre ye de dificil interpretación. Agustín Ubieto Arteta rechistra as variants Yxar y Xyarc. Atros autors han documentato Izar que no ye problablement significatiba en lo fonetico, porque Manuel Alvar explica que a vegatas s'emplegaba pa representar lo fonema fricativo xordo x u sh en textos latins. La forma Izar en textos romanzes tardanos, como Pobla de Izar en lo Fogache de 1495, puet estar una prebatina d'adaptación a lo castellán escrito seguindo lo modelo de pex-pez, xata-azada, faxo-haz, ruxiar-rociar.
Son intresants os microtoponimos El Coscollar, Chumilla y el Ciparuelo. Bi ha carreras con nombre que pareix aragonés como La Boleta, La Cantonada, Plano Alto y Plano Bajo. Lo toponimo La Cultía, finca y antigo nuclio de población, ye intresant porque tamién se troba en la microtoponimia ribagorzana (en Lo Pont de Suert, Sas, Esperan, Erta, Peranera, Castellars) y provién de lo latín CULTIVA.
Lo sacerdot Mosen Domingo Gascón escribió los nombres de las partitas ixaranas en Miscelanea Turolense, 21 d'o 20 de marzo de 1897 [3]:
- En la parte de lo secano a la dreita de lo Martín: Chumilla, Corral de la Loma, Balsa de Moso, Val de Arcos, Portoleses, Loma Alias, Hoya Sentida, Partidas del Salto, de la Pobleta, de la Manga, Mas del Mosquito, Mas de las Piletas, Albadales, Plano Millé, Valventana y Val de Alacón.
- En la parte de lo secano a la ezquierda de lo Martín, que en conchunto se denomina Campilseco (Campyseco en un texto de 1338-1343) Zabarda, Saladares, Justas, Luercos, Caseta de Laborda, Hoya del Ciego, Filada de Alcaine, Hoya de la Ginebrosa y Val de Espartera. Lo campilseco comprende lo Montecico y lo Monte de Santa Barbara:
- Lo Montecico ye formato por la partita d'ixe nombre, entre La Puebla d'Íxar y Sant Per de Calanda y a lo norte de la partita de Campillos ya en la huerta.
- Lo Monte de Santa Barbara ye formato por las partitas de Sabinar y Cabezo del Pino y ye situato a lo sur de las zaicas de las Lianas, Lomas y Canalillas.
- Lo regano ye formato por las partitas de Peirones, Lianas, Campillos, Valdemuzas, Juncares, Canalillas, Faceras, Brazos, Rebelainas, Valtamarices, Vegatillas (on ye l'actual IES "Laín Entralgo"), Riberos, Planas, Huertos Altos y Vegas.
Bi ha un gallipuent conoixito como gallipuente de Valdestremera entre Íxar y La Puebla d'Íxar.
Presonalidatz naixitas d'Íxar
Categoría principal: Naixitos d'Íxar.
- Frai Cheronimo Batista de Lanuza, bispe.
- Martín Batista de Lanuza, churista y chusticia d'Aragón en 1601-1622.
- Mosen Blas Aínsa, escolapio, cosmografo, astronomo y naturalista.
- Florenzio Jardiel y Dobato. Calonche de la Seu de Zaragoza.
- José Antonio Dosset Monzón, farmaceutico y naturalista.
- Mosen Pedro Dosset Monzón, qui introdució los tambors en la "Semana Santa Zaragozana".
- Francisco Peralta Ballabriga, bispe de Vitoria.
Molimentos
- Castiello d'Íxar, escachato.
Molimentos relichiosos
Bi heba muitas ilesias y ermitas, pero en la guerra civil i habió grans destruccions.
- Ilesia de Santa María la Mayor, protechita legalment dende 2001 con a suya declaración como Bien d'Intrés Cultural.[4] Ye d'estilo gotico-mudéixar d'o sieglo XIV, encara que fue muit esbiellata en os sieglos XVI-XVIII en estilo renaxentista.
- Ilesia de Sant Blas, relacionata con lo ligallo de pastors.
- Ilesia de Santa Madalena, desapareixita.
- Ilesia de Sant Antón, considerata por bels eruditos locals l'antiga sinoga. En l'arcata d'una puerta güei zegata bi ha dos rosetas.
- Ilesia de Sant Valero, antigament "de la Santa Cruz".
- Ilesia de Nuestra Sinyora de los Ánchels, de lo convento de los flaires franciscans.
- Ilesia de lo Santo Sepulcre, de lo sieglo XVII.
Veyer tamién
Enrastres externos
Se veigan as imáchens de Commons sobre Íxar.- Concello d'Íxar.
Referencias
- ↑ (es) Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
- ↑ Mariano Laborda RECUERDOS DE HÍJAR 2. Editato por lo Centro de Iniciativas Turísticas del Quadro Artístito de Híjar, 1993
- ↑ Mariano Laborda RECUERDOS DE HÍJAR. Editato por o Centro de Iniciativas Turísticas del Quadro Artístito de Híjar, 1980
- ↑ (es) Texto en o BOA con a declaración d'a ilesia de Santa María la Mayor d'Íxar como Bien d'Intrés Cultural.
Bibliografía
- Mariano Laborda Recuerdos de Híjar. Editato por lo Centro de Iniciativas Turísticas del Cuadro Artístico de Híjar, 1980.
- Mariano Laborda Recuerdos de Híjar 2. Editato por lo Centro de Iniciativas Turísticas del Cuadro Artístico de Híjar, 1993.
| Municipios d'a comarca Baixo Martín | |
|---|---|
| Albalat de l'Arcebispe | Binaceit | Casterló | Exatiel | Íxar | La Puebla d'Íxar | Sant Per de Calanda | Urreya de Gayén | Zaila |