Capra pyrenaica hispanica

Capra pyrenaica hispanica
Craba montesina en Sierra Nevada.
Estato de conservación
Clasificación scientifica
Dominio: Eukaryota Reino: Animalia Filo: Chordata Clase: Mammalia Orden: Artiodactyla Familia: Bovidae Subfamilia: Caprinae Chenero: Capra Especie: C. pyrenaica Subespecie: C. p. hispanica
Nomenclatura trinomial
Capra pyrenaica hispanica
Schimper, 1848

Capra pyrenaica hispanica ye una subespezie de craba salbachina iberica Capra pyrenaica propia d'as sierras de l'este e sud d'a Peninsula Iberica. Poblazions muito importants se troban en as serranías d'as provincias de Castellón, Teruel e sud de Tarragona como os Puertos de Bezeit on bi ha una reserba feita pa estas crabas.

Denominazions

De seguro que a los masmos d'a subespezie lis dirían en l'aragonés d'o Baixo Aragón "boques", "bucos" (parabras que encara designan a los masclos d'a crabas domesticas) u "bucardos". En 1489 diziban "craba salbachina" en esta espezie en aragonés local, como amuestra un texto de Cuebas de Cañart:

Item es condicion que si sera caso que vos dito arrendador, o carnicero, mataredes ovellas crabas salvaginas, o bueyes, o vaquas que aquella e aquellas siades tenido tallar apart en otra tavla de cabal et fuera de las ditas casetas

Distribuzión

Actualment a espezie ye en recuperazión e s'estendilla dende os enclaus on quedó restrinchita dica o sieglo XX. Estos enclaus corresponden a sierras e serranías con baixa densidat de población humana: Puertos de Bezeit, Mayestrato, (tergüelano e castellonés), a Serranía de Cuenca, a Muela de Cortes (Valencia castellana), Sierra d'Alcaraz, Sierra de Cazorla, Sierra de Segura, Sierra Madrona, Sierra Nevada, Sierra de Tejeda, Sierra d'Almijara, Serranía de Ronda e Sierra de Grazalema.

Autualment as crabas salbachinas d'as Cuencas Meneras e Puertos de Bezeit son recolonizando a Bal de l'Ebro, on por l'arte lebantín sabemos que en a preistoria yeran presents, e n'han bistas en o Baixo Martín e l'aria de Bal Madriz.