Petrolio

Pozo de petrolio en Texas, USA

O petrolio ye una mezcla complexa no omochenia d'idrocarburos, compuestos formatos por idrocheno e carbonio. Son mui diferents entre si, dende amarilliscos e liquidos a negros e bescosos. Istas diferenzies son debitas a las relazions entre os tipos d'idrocarburos. Ye un recurso natural no renobable, e actualment tamién ye a prenzipal fuent d'enerchía en os países desarrollatos.

Os components quimicos d'o petrolio se deseparan e otienen por destilazión por meyo d'un prozeso de refinería. D'ers s'estrayen diferents produtos, entre atros: propán e bután, benzina (gasolina), queroseno, gasoil u diesel, fueloil, azeites lubricants, gudrons, carbón de coque, etz.

Ista mezcla d'idrocarburos apareixe cheneralment asoziata a grans bambollas de gas natural, en chazimientos zarratos mientres miles d'años baixo tierra, cubiertos por os estratos superiors d'a crosta terrestre.

Enrastres externos

• Se veigan as imáchens de Commons sobre Petrolio.