Ixep

Plantilla:Localidá Aragón Ixep (en castellán Ejep) ye un lugar aragonés de la comarca de Ribagorza y provincia de Uesca. En tiempos yera parti d'el nuclio poblacional de Paniello, pero en l'actualidat perteneixe a Graus, capital de la Baixa Ribagorza.

La suya población ye de 22 habitants.

Localización cheografica

Ixep se situga a 737 metros d'altaria sobre o ran d'a mar, a una distancia d'onze kilometros d'el norte de Graus, en la versant dreita d'el riu Esera, el qualo trescruza ista población y desemboca en la Cinca. Encara d'estar desapartau de l'Esera, el lugar bebe d'el riu dende a creyación de la planta depuradora situgada n'el lugar vicín de Torrobato. D'antis más, bebeba y arregaba con l'augua de bells pozos de la sarra Paniello.

Se troba situau a una distancia de 97 km d'a ciudat de Uesca, a capital d'a suya provincia.

Urbanismo

L'urbanismo ye irregular de tot y componiu por una plaza y catorze casas ripartitas a traviés de dos carreras principals. En la plaza bi ha bancos ta escansar-se, una canasta que ye obchecto de chuego y l'antigo lavadero. Manimenos, el más important ye la ilesia cristiana que, asinas como indica el busto labrau en piedra situgau n'el portiello, ye adedicada a Sant Per. En ista talla pués uellar a imachen el sant con una gran clau, signo de la Ilesia catolica. En zagueras, el templo de planta quadrada ha goyau de bells procesos de rehabilitación. En istos, las dependencias d'el mosén han estau sacadas y reconvertitas en bells espacios socials: una gran sala con barra, una cambra de vesita medica y una chicorrota cambra d'exposicions.

Las casas se riparten en una carrera principal, una carrera redolar y quatro camins. En la carrera principal d'el lugar bi ha Ca Marco, Ca Torrent, Ca Cambra, Ca Valero y Ca Blas. Trescruzaus con esta carrera, el camín que va ta la plaza, a Ca Chía y el camín d'encomienzo a C'Aznar. En la carrera redolar bi ha Ca Barón, Ca Volante, Ca Barrabés, Ca Valdellou y Ca Rei. Trescruzaus con ista carrera, camín Volante a l'antiga Ca Teixidor y camín l'Escuela a este antigo edificio convertiu en casa. Antiparti, bi ha huertetas ripartitas por tot el municipio y las torres con animals sen totz luent d'el lugar.

Población y luenga

En comienzos d'el XXIeno sieglo, la población censada yera d'arredol 22 habitans, pero cal dicir que el lumero real d'habitadors ye variable en función de la epoca de l'anyo u mesmo de l'anyada. O chentilicio d'el lugar ye ixepino/ina/ins/inas, lugar que conserva a parla baixoribagorzana, variant de l'aragonés, como luenga materna. En l'actualidat, la suya usanza escomencipia amenguar en favor d'el castellán, pero encara se'n continan sentint muitas parolas y expresions.

Economía y torismo

Las principals actividatz economicas d'Ixep sen l'agricultura de cerial de secano, antimás d'as huertas individuals, y la cría d'animals: tocins, pollos, conillos... Zaguerament, s'ha desarrollau el torismo rural gracias a la sobreguena localización d'el municipio. Este t'ufre la posibilidat d'amanar-te por endreceras valizadas enta lugars albandonaus, como Arbués y Aldeya Mora; espleitar-te conoixient atros lugars de la sarra Paniello u de la comarca de Ribargoza; ficar-te en augua en l'Esera u vesitar el centro budista Dag Sang Kagyu, situgau entre Paniello y Ixep.

Fiestas

Las fiestas grans d'el lugar se celebran en honor a Sant Agostín, el zaguer cabo de semanada d'agosto. Por un regular bi ha misa patronal con riparto de vin y torta a la suya fin, sorteyo de pernils, chuegos infantils, campionato de guinyote y concierto de nueit. Atras celebracions se fan arredol de las dos armitas d'el municipio. D'un costau, cada primer domingo mayo bi ha romería ta Sant Chuan (y Sant Pavlo), con riparto de vin y torta, y una lifara popular. D'atro costau, cada 20 chinero la chent va ta Sant Sebastián a chuntas con las chents orichinarias d'es pueblos vicins de Torrobato, Perarruga, Arbués y El Mon. Por un regular bi ha chenta u riparto de vin y torta.