Diferencia entre revisiones de «Puent de Piedra de Zaragoza»
Sin resumen de edición |
m Puent de Piedra (Zaragoza) tresladada a Puent de Piedra de Zaragoza sobre una reendrecera |
(Garra diferencia)
|
Versión d'o 15:20 27 feb 2011
Iste articlo ye sobre o Puent de Piedra de Zaragoza. Ta atros usos se veiga Puent de Piedra
O Puent de Piedra y Pretil de San Lázaro se localizan en Zaragoza (Aragón). Dende o sieglo XII se miró de construir un puent que garantizara o paso de l'Ebro de forma permanent. En 1401 se prencipioron as obras d'o puent que conoixemos en l'actualidat, dirichitas por Gil de Menestral, estando rematato en 1440.
Una riada en l'anyo 1643 destruyó dos d'as arcatas centrals d'o puent, feito que se decumenta en a Vista de Zaragoza pintata en 1647 por Martínez del Mazo. Yera o trampo a on que se debantoron dos torreciellas d'orichen meyeval. O puent fue apanyato en 1659, incluindo as dos torres, por Felipe de Busignac, mayestro d'obras de Zaragoza, que modificó tamién os tallamars y espolons d'o puente, enamplando-los.
En 1789 l'arquitecto Agustín Sanz realizaba o pretil de l'Ebro que iba dende o Puent de Piedra dica o Convento de Sant Lazaro. Ista muralla se construyó en seis meses rematando-se as obras o 24 d'aviento de 1789, t'aprevenir o riesgo de inundacions en a ciudat por as posibles creixitas d'o río.
O Puent de Piedra y o suyo pretil, son un elemento clau en a composición urbana d'a ciudat, de gran importancia formal y funcional, estructurador d'o conchunto y d'o paisache natural y edificato.
Ista importancia no estió unicament en l'ambito d'Aragón sino que estió important tamién a nivel estatal, ya que historicament, dende meyatos d'o sieglo XV, o puent garantizaba as comunicacions d'o quadrant noreste peninsular.
D'o pretil d'a marguin dreita, se sape que en 1777 os arquitectos Pedro del Mazo y Juan Ortiz de Lastra prencipian a suya construcción. Lo fan con piedra picata. Ocupa o espacio entre o Templo d'o Pilar y o Puent de Piedra quala zaguera arcata ya se trobaba cubierta tal y como contrimuestra o plan de 1778. Más de meyo sieglo dimpués, José de Yarza, por reyal decreto de 1845, debanta la topografía d'o sector, en a que se veye que o pretil contina estando lo mesmo. Manimenos, hue en día, se desconoxe o suyo estato actual, a suya conservación y a suya ubicación exacta.
A piedra emplegata ta construir iste puent proveniba d'a cantera que teneba o Papa en o municipio de Frescano, situata ista en o mont de Burrén. O puent contiene piedra de Frescano y Grisén.
Referencias
- 28 de junio de 2002
- GUITART APARICIO, Cristóbal, «El Puente de Piedra», en Guillermo Fatás Cabeza, (coord.) Guía histórico-artística de Zaragoza, Zaragoza, Ayuntamiento (Servicio de acción cultural), 1991, págs. 197-200. ISBN 84-86807-76-X.
Enlaces externos
- Se veigan as imáchens de Commons sobre o Puent de Piedra de Zaragoza.