Reino de Murcia (Corona de Castiella)

O Reino de Murcia en 1590

O Reino de Murcia estió una entidat territorial dentro d'a Corona de Castiella formata a partir d'a Taifa de Murcia y que duró dica l'anyo 1833. Comprendeba principalment a Rechión de Murcia y gran part d'a provincia d'Albacet. O Reino de Murcia encomenzó pertanyer a la Corona de Castiella por o tractato d'Alcaraz en l'anyo 1243 como un protectorato. Os habitants d'o reino (de mayoría musulmana), se sublevoron en l'anyo 1264 y pa esclafar a revuelta Castiella necesitó a intervención d'o exercito d'a Corona d'Aragón, que conquirió o reino entre os anyos 1265 y 1266 con Chaime I y establió uns 10.000 repobladors militarizatos. Murcia fue tornata a Castiella, y encomenzó a venita de repobladors de tota Espanya. En l'anyo 1296 en tiempos de Chaime I a Corona d'Aragón tornó a invadir o Reino de Murcia, durando a presencia aragonesa y catalana dica l'anyo 1304 con o Tractato de Torrellas, que deixó Murcia en a Corona de Castiella pa cutio y modificó as mugas y adchudicó a lo Reino de Valencia as comarcas d'a Vega Baixa d'a Segura, Alicantín y d'a Val d'o Vinalopón.