Río Sado

O recorrito d'o río Sado en Portugal.

O río Sado (rio Sado en portugués) ye un río portugués, con una longaria de 180 km y una superficie d'a suya cuenca idrolochica de 7.640 km². Ye uno d'os principals ríos de Portugal y uno d'os pocos ríos d'o país que marcha de sud ta o norte. O suyo afluyent principal ye o río Xarrama.

O suyo naxedero ye en a Sierra d'a Vigia, a 230 metros d'altaria sobre o ran d'a mar, y as suyas auguas desauguan en o estuario d'o Sado (Ocián Atlantico), a o canto d'a ziudat de Setúbal y a 50 km de Lisbona, y o suyo estuario separa a ista ziudat de Tróia.

O suyo estuario ye conoxito porque i biben un important grupo de delfins, una familia con 31 animals en 2007, cadagún con o suyo nombre.

En o suyo recorrito por o territorio portugués tien muitos entibos ta regano de roz, panizo u legumbres.

Enrastres externos

• Se veigan as imáchens de Commons sobre o río Sado.
• (pt) Pachina web d'a Reserna Natural d'o Estuario d'o Sado.
• (pt) o río Sado en a pachina web d'o INAG.
• (pt) Obserbazión d'abes en o estuario d'o río Sado.