Seu basilica de Nuestra Sinyora d'o Pilar de Zaragoza

Basílica de Nuestra Sinyora d'o Pilar de nueis

A Basilica de Nuestra Sinyora d'o Pilar ye un templo d'estilo barroco situato en Zaragoza (Aragón) en o qualo ye conservata y venerata a columna (pilar) sobre a quala, seguntes a tradición, s'apareixió a Virchen d'o Pilar en carne mortal a l'apóstol Sant Chaime o día 2 de chinero de l'anyo 40 dC.

Iste mandó construyir una chicota capiella t'alzar a columna, más tardi s'obró una ilesia romanica, dimpues una mudeixar destruita por un incendio y una gotica anterior a l'actual d'estilo barroco debita a Francisco Herrera Hidestrosa, por iniciativa de don Chuan d'Austria, qui ordenó prencipiar as obras en 1681.

O rey Ferrando VI, ordenó en 1754, a construcción d'a Santa Capiella, encomendando a obra a l'arquitecto Ventura Rodríguez, qui enampló o templo dica as actuals grandarias: 130 m. de largaria por 67 d'amplo, con por once cupulas, diez lanternas y quatre torres.

A imachen d'a Virchen de fusta tien 39 cm. d'altaria y ye dencima d'una columna presguardata por un estuche de bronze y atro de plata y cubierta por un manto dica os pietz d'a imachen, a excepción d'os días 2, 12 y 20 de cada mes que a columna apareixe veyible.

En a frontera posterior d'a capiella s'ubre o peirón, a on os fiels pueden venerar a la Santa Columna.

Imachens

• Imachen d'a Birchen
  Imachen d'a Birchen
• 
  Retablo de l'Altar Mayor

Veyer tamién

• Zaragoza

Enrastres externos

• Se veigan as imáchens de Commons sobre O Pilar.
• Capítol de Zaragoza