Idioma mapudungun

O mapudungun, mapudungu u mapuche ye una luenga aislata fablata por os mapuches, un pueblo amerindio que bibe en o Sud d'America d'o Sud (en a parte zentral de Chile e zentro-occidental d'Archentina). Tien arredol de 440.000 fablans con dibersos graus de competenzia lingüistica. Ha influyito lo lesico espanyol en a suya área de distribuzión y, debez, ha encorporato parabras en o lesico espanyol y quechua.

Denominazions

Os suyos fablans claman a o idioma mapuchedungun, mapudungun u chedungun, mientres que os cronistas colonials lo clamoron araucano y decumentoron a denominación chilidungu, que se suposa que significa "luenga de Chile". O termino araucano estió acuñato mientres a conquiesta de Chile ta clamar a la chen y a suya luenga y s'usó abitualmén enta o sieglo XX; sindembargo, o refús que preboca entre os mapuches ha motibato un paulatino abandono d'o suyo uso en os lugars que ers abitan y o crexién uso de luenga mapuche u mapudungun.

Filiazión lingüistica

A filiazión no ye pas clara, anque lingüistas como Englert u Tovar la sitúan en o grupo andino d'as luengas amerindias d'America d'o Sud, emparentatas de lueñes con as luengas quechua e aymara; belaltras clasificazions encara més espezificas sitúan o mapudungun a una familia araucano-chon que pertenexerba a lo debandito grupo andino. Poderba, pues, no tratar-se d'una luenga aislata.

Aspeutos sozioculturals

Bariazión diatopica

Una bariedat meridional, o huiliche u veliche, ye considerata per Gordon (2005) un idioma deseparato. O huiliche, charrato a Chile en a Región de Los Lagos, conta con bels milars de fabladors, a mayoría d'os cuals fabla o espanyol como luenga primera.