Masa

A masa ye una propiedat d'os ochetos fesicos que mesura a cantidat de materia en un ocheto. Ye un conzeuto fundamental d'a mecanica e toz os temas relazionatos. En o Sistema Internacional, a masa se mesura en quilogramos.

A masa se puet referir a dos conzeutos:

• A masa inerzial ye una mesura d'a inerzia d'un ocheto, que ye a suya resistencia a cambeyar o suyo estato de mobimiento quan li s'aplica una fuerza. Un ocheto con poca masa inerzial cambeya o suyo mobimiento fazilment, mientres que un ocheto con una gran masa no.
• A masa grabitazional ye una mesura d'a fuerza d'interazión d'un ocheto con a fuerza grabitatoria. En un mesmo campo grabitazional, un ocheto con menor masa grabitatoria esperimenta una fuerza menor que un ocheto de mayor masa grabitatoria (ista cantidat se trafuca a begatas con o peso)

S'ha contrimostrato esperimentalment, con a masima prezisión con que se puet mesurar, que a masa inerzial e a grabitatoria d'un ocheto son iguals, encara que conzeutualment se consideren diferents. Plantilla:Destacato Plantilla:Destacato