Cherba

Cherba (جربة en arabe) ye una isla d'o norte d'Africa perteneixient a Tunicia, con 514 km² de superficie. Ye situata en lo golfo de Gabes, debant d'as costas d'ixe país norteafricán.

Ye a mayor isla d'o norte d'Africa. A suya ciudat més important ye Houmt Souk —Souk significa zoco u mercato—.

Ye un destín turistico que cuenta con enrunas d'a dinastía aglabí. Muitos turistas vienen por estar scenario d'o rodache d'a pelicula Star Wars, en concreto o planeta desertico de Tatooine, niedo de piratas y contrabandistas.

Gran parte d'a población ye berber. Os berbers cherbans son seguidors d'a secta ibadí, una branca d'os harichís.

Historia

En 1282 os almogávars dirichitos por Rocher de Lauria a lo servicio d'o rei Pero lo Gran la conquirioron, con enchaquia d'una espedición a Túniz, y en 1296 se i adibioron as islas d'os Quérques, esdevenindo a Senyoría de Cherba.

O 14 de mayo de 1560 bi habió una important batalla naval, a batalla de Cherba, con victoria d'o Imperio Otomán.

Toponimia

En ixas envueltas d'os romans ya en deciban Girba, nombre que evolucionó ta Gerba, que prenioron en arabe y luengas romances como o catalán y l'aragonés. En aragonés meyeval s'escribiba con G, que yera como se representaba o fonema africato xordo que huei s'escribe ch:

E en aquest, come dixo, manda que finquen en Gerba. Et entendet, que aquesto non fazentament...mui forçado, por miedo que'l Papa los le mande prendet et enviar a su poder.