Proteína

Estrutura tridimensional d'a hemoglobina. L'animación corresponde con a transición d'entre las dos formas conformacionals (oxichenata y desoxichenata).

As proteínas son macromoleculas feitas de catienas linials d'aminoacetos. O nombre «proteína» demana d'o dios griego Proteu per as diferents formas que podeba adubir, anque una altra versión diz que demana d'a parola griega «πρώτα» ("prota", a mesma radiz que en "protagonista") perque significa «lo primer u prencipal».

As proteínas son as biomoleculas más capables y diversas en os sers vivos. Realizan una gran diversidat de funcions, d'entre las que se'n pueden destacar:

• Estructural (p. ex. Colacheno y queratina)
• Reguladora (p. ex. Insulina y hormona d'o creiximiento (Growth Hormone - Gh).
• Transportadora (p. ex. Hemoglobina)
• Defensiva (p. ex. Familia d'as Inmunoglobulinas -anticuerpos-)
• Enzimatica.
• Contractil (p. ex. Actina y miosina)

As proteínas de totz os sers vivos estan determinatas per a suya chenetica, que ixo ye como dir, que la información chenetica determina cuals proteínas tiene-i una celula, un teixito u un organismo.

As proteínas se sintetizan pendendo de cómo seigan regulatos os chens que las codifican. Per ixo, son susceptibles a las sinyals y factors externos. O conchunto d'as proteínas que son expresatas en una situación concreta se diz proteoma.

Enrastres externos

• Se veigan as imáchens de Commons sobre proteínas.