Escudo d'Aragón
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O escudo d'Aragón se trestalla en quatre quartels:
- Primer quartel: Sobre un campo d'oro, una carrasca desenradigata (l'árbol de Sobrarbe), con siet rosigons, en as suyas colors naturals, coronata por cruz latina de gules (color royo). Representa a l'antigo Reino de Sobrarbe.
- Segundo quartel: A Cruz d'Enneco Ariesta, una cruz d'archent sobre un campo d'azur (color azul). Yera o emblema de l'antigo Aragón.
- Tercer quartel: A Cruz de Sant Chorche remera a conquiesta de Uesca por as tropas de Pero I en 1096 con l'aduya de Sant Chorche. Ye una cruz de gules sobre un campo de plata, con quatre tozuelos de moros, un en cada canto y con cintas d'archent.
- Quatreno quartel: As barras d'Aragón, d'oro, 4 palos de gules.
Dencima d'o escudo ye a Corona Reyal d'os reis d'Aragón.
Variants d'o escudo d'Aragón en l'actualidat[editar | modificar o codigo]
O escudo d'a Universidat de Zaragoza.
- O escudo d'o Chusticia d'Aragón adibe a o escudo d'Aragón un ánchel que simboliza a veixilancia y a protección d'os dreitos d'os aragoneses.
- En o escudo d'a Universidat de Zaragoza apareixe a la dreita de Sant Pero un escudo d'Aragón, pero l'orden d'os quartels ye distinto. En o quartel superior ezquierdo ye a cruz d'Enneco Ariesta, en o superior dreito a cruz de Sant Chorche, en o inferior ezquierdo l'árbol de Sobrarbe y en o inferior dreito as barras d'Aragón. Iste zaguero ye l'unico quartel que tien a misma posición que en o escudo d'Aragón.