Escoceses d'Ulaidh
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Escoceses d'Ulaidh Ulstèr-Scotch Ultais | |||||||||
|---|---|---|---|---|---|---|---|---|---|
 | |||||||||
 | |||||||||
Banda d'escoceses d'Ulaidh | |||||||||
Rechions con comunidaz importants | |||||||||
| |||||||||
Idiomas | |||||||||
| Anglico escocés, anglés | |||||||||
Relichión | |||||||||
| Presbiterianismo | |||||||||
Pueblos relacionaus | |||||||||
| Escoceses de las Lowlands, angleses, irlandeses | |||||||||
Los escoceses d'Ulaidh (en escocés d'Ulaidh Ulstèr-Scotch u Ultais, en anglés Ulster Scots) son la población d'orichen escocés que s'ha iu establindo en lo norte d'Irlanda dende lo sieglo XVII como colonizadors britanicos asimilando a irlandeses autoctonos y a los angleses con los qui emigroron. Son de relichión protestant presbiteriana y charran anglico escocés u anglés.
Luenga
[editar | modificar o codigo]
Las parlas orichinals de los escoceses d'Ulaidh reciben la denominación d'escocés d'Ulaidh y fan part de l'anglico escocés u Scots, traito dende Escocia dende lo sieglo XVII. Los escoceses d'Ulaidh parlan tamién l'anglés, que ye la luenga oficial d'Irlanda de lo Norte.
Lo escocés d'Ulaidh se charra en tres zonas actualment sin contiguidat territorial. La mes gran ocupa una buena part de lo condau d'Aontroim y una part chica de lo Norte de lo condau de Doire. Las atras dos son en An Dúin y en lo Norte de Donegal, respectivament a l'este y a l'ueste de la principal.
Historia
[editar | modificar o codigo]En Ulaidh dominó lo clan de los Uí Néill. Los suyos descendients, Los O'Neill, presentoron violenta resistencia a la conquiesta anglesa a zaguers de lo sieglo XVI. Hug O'Néill, conte de Tír Eoghain, consiguió notables victorias frent a los exercitos d'Isabel I, pero fue derrotato en 1607 y fuyió enta Europa con atros nobles irlandeses d'Ulaidh. Las fincas que deixoron fuoron ocupadas por protestants escoceses y angleses. La plegada de los nuevos colonos suposó la marguinación de los catolicos irlandeses y la supremacía de los protestants.
Las plantations de colonos protestants no tenioron exito que en la redolada de Béal Feirste, a on que se convertioron en la población mes numerosa, población formada por toz los livels socials. Lo feito que los colonos escoceses fuesen chent de diferents clases socials permitió que s'asimilasen a los irlandeses como heba esdevenito con colonos anterior; en cuenta d'esto ye posible que cualques irlandeses nativos s'asimilasen a los escoceses en Aontroim y An Dúin convertindo-se a lo presbiterianismo. Pa evitar que los irlandeses catolicos autoctonos recuperasen lo poder fundoron la Orden d'Orange como grupo d'autodefensa.
A primers de lo sieglo XX los protestants yeran mayoritarios en los condaus d'Aontroim, An Dúin, Ard Mhacha, Doire, y minoritarios en los atros condaus d'Ulaidh: Fhear Manach, Tír Eoghain, Donegal, Monaghan y Cavan.
A zaguers de 1920 lo parlamento britanico votó una lei que dividió la isla en dos parz, cadaguna autonoma y con estructura confederal. Pa asegurar la supremacía de los protestants la delimitación d'Irlanda de lo Norte de 1920 no incluyó los tres condaus d'Ulaidh mes catolicos de Donegal, Monaghan y Cavan. Manimenos los grans terratenients consiguioron que los condaus de Fhear Manach y Tír Eoghain de mayoría catolica quedasen en Irlanda de lo Norte chunto con los cuatre de mayoría protestant de Aontroim, An Dúin, Ard Mhacha y Doire pa dar-lis una viabilidat economica.
Las eleccions dioron una mayoría a los unionistas en la part norte d'Irlanda. La partición d'Irlanda de 1921 seguindo los termins de l'Acta de Gubierno d'Irlanda de 1920 de Lloyd George suposó la formación d'un parlamento en Irlanda de lo Norte lo 7 de chunio de 1921. Este parlamento aprobó lo 7 d'aviento de 1922 demandar a Chorche V no ser incluyitos en lo Estato Libre Irlandés, que s'heba feito independient un día antes.
La Orden d'Oranche controló la vida politica d'Irlanda de lo Norte y practicó una visible discriminación economica y social de mes d'un tercio de la población, irlandeses catolicos sobre tot en materia d'emplego y acceso a la vivienda. D'esta traza los irlandeses catolicos facioron una revuelta en l'anyo 1969 que duró cualques decenios. Mientres estas revueltas cualques protestants han practicau lo terrorismo pa combatir a l'IRA fendo liga con lo Exercito Britanico.
Veyer tamién
[editar | modificar o codigo]| Control d'autoridaz |
|
|---|
Datos: Q3120476