Esclusa

Anvista d'una esclusa d'a Canal de Panamá.

Esclusas de Casablanca en a Canal Imperial de Aragón

Una esclusa ye una obra hidraulica que permite ganar desnivels d'o terreno en canals navegables, puyando u baixando as llantas u barcas que se troban en ellas. As esclusas pueden fer parti d'as estructuras complementarias d'una entibadera, cuan ista se construye sobre ríos navegables.

Son muit conoixitas as esclusas d'a Canal de Panamá. En Europa, a on que navegación interior ye desembolicata, se puet navegar dende a Mar d'o Norte dica la Mar Negra trescruzando cuantas esclusas.

O cruce d'una esclusa ye una operación prou lenta; ya que bi ha que equilibrar os rans d'augua, primero con o trampo d'a canal a on que se troba o barco y dimpués con l'atro trampo enta on saldrá. Isto se fa plenando u vuedando as arcas u nantas seguntes intrese. Ye por ixo que o consumo d'augua ye considerable; ta disminuyir-lo se mira de no plenar u vuedar a esclusa si no bi ha un barco que quiere trescruzar-la. Iste ye tamién un d'os motivos por os que en cheneral se construyen dos esclusas en paralelo; asínas, parti de l'agua que se vueda d'una se puede emplegar ta plenar l'atra.

Tecnicament, o limite d'esnivel que puet ganar-se con una sola esclusa ye d'alto u baixo 25 m. Ta esnivels mas grans cal pensar en esclusas concatenatas, lo que fa encara mas dificil a operación, u cal pensar en atros dispositivos como:

• ascensors de barcos, d'os que ya se'n ha construito cuantos tipos
• plans inclinatos d'augua

En Belchica, sobre a canal "du Centre", s'inauguró en 2002 l'ascensor funicular de Strépy-Thieu, que permite ganar un esnivel de 73 m.

Se veiga tamién

• Canals navegables.
• Rueda de Falkirk.

Vinclos externos

• Se veigan as imáchens de Commons sobre as esclusas.

• Datos: Q105731
• Multimedia: Locks (water transport) / Q105731