Escala mecanica

De Biquipedia
Ir a la navegación Ir a la búsqueda
Escala mecanica en o metro Copenaguen, Dinamarca.
Plataforma d'arribada (abaixo a la ezquierda), engranaches d'accionamiento exposaus (centro) para os escalerons y l'accionamiento d'a balagosta (ezquierda).

Una escala mecanica ye un dispositivo de transporte, que consiste en una escala inclinada, con escalerons que se mueven enta alto u enta abaixo. Fue inventada en 1897 por Jesse Reno, en Nueva York, Estatos Unitos. Bells meses dimpués de l'aprobación d'a patent de Reno, George A. Wheeler patentó as suyas ideyas pa una escala móbil más reconoixible, encara que nunca no se construyió.[1] As patents de Wheeler fuoron crompadas por Charles Seeberger; qui desembolicó encara más as ideyas de Wheeler que chunto con Otis Elevator Company, emplegoron as millors ideyas de Reno y de Seeberger. O resultau estió a creyación d'a escala mecanica moderna.

Caracteristicas[editar | editar código]

A escala mecanica transporta a las personas sin que haigan de mover-sen, ya que os escalerons se mueven mecanicament. S'usan pa transportar con comodidat y ascape un gran numero de personas entre os pisos d'un edificio, mas que mas en centros comercials, aeropuertos, gratacielos, intercambeadors de transporte publico (metro, autobuses urbans), etc.

A dirección d'o movimiento (enta alto u enta abaixo) puet estar a mesma permanentment u bien controlada por emplegaus d'alcuerdo con l'horario d'o día u controlada automaticament, ye decir, si una persona arribase a la escala mecanica (aturada) por o piso d'abaixo fería que a escala se movese ta alto (y viceversa). En iste caso, o sistema ye programau pa que o sentiu d'a escala no pueda estar contornau mientres que una serie de sensors detectan que bi ha personas emplegando a escala mecanica.

As normas de seguridat actuals son muit rigorosas pa privar accidents en l'uso d'istas maquinas. Pa minimizar a posibilidat de atrapamientos, más que más en a zona d'a balagosta y en as salidas a l'exterior, s'instalan mecanismos de seguridat que aturan decamín o funcionamiento en detectar presencia de l'usuario. Tamién o disenyo s'ha visto influyiu de manera progresiva por as midas de seguridat y ya se contemplan dende o inicio formas y midas que eviten a accesibilidat d'as personas a zonas de periglo.

Escalas mecanicas en Aragón[editar | editar código]

As primeras escalas mecanicas d'Aragón s'instaloron en a ciudat de Zaragoza en l'anyo 1936 en a siede d'os grans magazens "Sepu" (acronimo de "Sociedad Española de Precios Únicos") situada en a carrera Torre Nueva. Por ixas envueltas y dica metat d'a decada de 1950 yeran as primeras y unicas en funcionamiento de tot o país y o Estau Espanyol.[2]

Nomás podeban fer-se servir pa puyar una planta, ya que a baixada se feba por una escala convencional de marbre blanco. Fabricadas en fusta por a interpresa Hijo de J. Guardiola S.A., encara se conservan en o mesmo vago a on se trobaba Sepu y que actualment ye o patio interior d'un edificio de viviendas.[3]

Se veiga tamién[editar | editar código]

Referencias[editar | editar código]

Vinclos externos[editar | editar código]