Escaquiau chaqués

Abside d'a seu de Sant Pero de Chaca

Detalle en o monesterio de Sant Chuan d'a Penya

O escaquiau chaqués u escacau chaqués ye una mena d'ornamentación arquitectonica, de zaguerías d'o sieglo XI, en serie que se troba en frisos y arquivoltas, mas que mas, basau en l'uso de cuadraus (ditos tacos) u de rectanglo (billez), uns esfonsaus y atros salients de forma alterna, disposaus en linias paralelas, a o menos en numero de tres, fendo uembras que simulan un tablero d'escaques, d'on le viene o suyo nombre, ya que "escaquiau" tien o suyo orichen en a similitut d'ista decoración con un tablero d'iste chuego, mientres que l'apelliu "chaqués" ye relacionau con o feito de presentar-se de manera abundant en a decoración d'a seu de Chaca, dende a on s'habió d'espardir a la resta de edificios relichiosos que se troban por o camín de pelegrinación ta Santiago de Compostela.

Asinas, puet decir-se que iste motivo decorativo, que ye muit habitual en cuantas versions en l'arquitectura romanica espanyola (mas que mas en os edificios d'o camín de Sant Chaime), ye tipico d'o romanico espanyol.

Entre os edificios romanicos situaus tanto en o camín de Sant Chaime, como en zonas d'influyencia, en os que se puet observar ista decoración destacan:

• En Aragón:
  • Castiello de Lobarre
  • Ilesia de Nuestra Sinyora de l'Asumpción de Navasa
  • Ilesia de Santa María de Santa Cruz d'as Serors
  • Ilesia de Sant Miguel Arcánchel d'Alastuei
  • Monesterio de Sant Chuan d'a Penya
  • Monesterio de Santa María de Veruela
  • Seu de Sant Pero de Chaca
  • Seu d'o Salvador de Zaragoza

• En atros puestos:
  • Basilica de Sant Isidoro de Leyón
  • Colechiata de Santa María la Mayor y Reyal de Sar
  • Ilesia de San Martín de Frómista
  • Ilesia de Sant Tomé de Zamora
  • Ilesia de Sant Miguel de Corullón
  • Ilesia de Sant Cristofo de Salamanca
  • Ilesia de Nuestra Sinyora d'o Mercau de Leyón
  • Monesterio de Leire

Galería d'imachens

• 
  Abside d'a capiella Reyal d'o castiello de Lobarre
• 
  Finestra de l'abside d'a seu de Zaragoza
• 
  Santa Cruz d'as Serors
• 
  Sant Martín de Frómista
• 
  Sant Tomé de Zamora
• 
  Arquivoltas en una puerta
• 
  Detalle d'a decoración d'a puerta d'o Cordero de Sant Isidoro de Leyón

Vinclos externos

• Se veigan as imáchens de Commons sobre o escaquiau chaqués.