Esa voz es una mina

Esa voz es una mina
Títol	Esa voz es una mina
Ficha tecnica
Dirección	Luis Lucia
Aduyant de dirección	Ricardo Blasco
Guión orichinal	José Luis Colina Vicente Llosa Luis Lucia
Fotografía	Cecilio Paniagua
Montache	José Antonio Rojo
Actors	Antonio Molina Rafael Durán Delia Luna Nani Fernández José Franco Bobby Deglané José Luis López Vázquez Casimiro Hurtado José Sepúlveda Francisco Bernal Félix Fernández Valeriano Andrés Josefina Serratosa Francisco Camoiras Modesto Blanch Félix Acaso Luis Moscatelli Selica Torcal
Color	Blanco y negro
Datos y cifras
País(es)	Espanya
Anyo	1956
Estreno	23 de chinero de 1956 Barcelona (Catalunya, Espanya)
Chenero(s)	Cine musical
Durada	85 min.
Idioma(s)	Castellano
Companyías
Productora(s)	Producciones Cinematográficas Ariel
Distribución	Compañía Industrial Film Español S.A.

Esa voz es una mina (títol orichinal en castellano, en aragonés Ixa voz ye una mena, estrenada en Aragón con o suyo títol orichinal) ye una cinta de cine musical de cine espanyol estrenada l'anyo 1956, dirichida por Luis Lucia seguntes un guión orichinal d'él mesmo y de José Luis Colina y Vicente Llosa, con una dirección de fotografía de Cecilio Paniagua y una producción cinematografica ta la productora cinematografica Producciones Cinematográficas Ariel. Conta con un elenco d'o cual en fan parte, entre d'atros actors, Antonio Molina, Rafael Durán, Delia Luna, Nani Fernández, José Franco, Bobby Deglané, José Luis López Vázquez, Casimiro Hurtado, José Sepúlveda, Francisco Bernal, Félix Fernández, Valeriano Andrés, Josefina Serratosa, Francisco Camoiras, Modesto Blanch, Félix Acaso, Luis Moscatelli y Selica Torcal.

Rafael Vera treballa como menero en una mena de carbón en Andalucía y gosa cantar ta los suyos companyeros de treballo, que prou que conoixen a calidat d'a suya voz. Recientment a mena l'ha comprau un nuevo propietario, un catalán, qui decide visitar a suya nueva propiedat. Por un accident, se veyen atrapaus en a mena, encara que los meneros saben que pueden marchar por un atro puesto, y casualment escuita cantar a Rafael. O nuevo patrón, Próspero, decide aduyar a lo cantaire, y mas encara en conoixer que su muller ye invalida. Consigue tamién formar un coro musical con os meneros y lo leva enta Madrit ta partecipar en un concurso de coros a on como coro fracasan, pero a on Rafael sí que amuestra la suya capacidat como cantaire. A famosa cantaire Consuelo Romero l'ha escuitau, y insiste en que accepte formar un dúo con ella, pero Rafael dubda acceptar a oferta porque ixo lo fará estar luent de su muller.

A cinta s'ambienta en Andalucía y en Madrit (Comunidat de Madrit); y las suyas escenas se filmoron parcialment en menas autenticas en Puertollano, en a provincia de Ciudad Real.

A banda sonora d'a cinta, con cancions d'Antonio Molina, incorpora la canción "Soy minero", composada de propio ta ista cinta, con musica de Daniel Montorio y letra de Ramón Perelló.

Elenco

Actor	Papel	Notas
	'

Se veiga tamién

• Cine en 1956.
• Cintas de 1956.

Vinclos externos

• (en) Esa voz es una mina en Internet Movie Database.