Epilepsia

De Biquipedia
Ir a la navegación Ir a la búsqueda
Articlo d'os 1000
Icono d'aviso medico
Advertencia: Biquipedia no ye un consultorio medico.
Si creye que aprecisa d'aduya, por favor consulte con un profesional d'a salut.
Fiódor Dostoyevski, escritor que padeció epilepsia.[1] [2]

A epilepsia (d'o latín epilepsĭa, y iste d'o griego ἐπιληψία, intercepción) ye una malautía provocata por un desequilibrio en l'actividat electrica d'as neuronas de bella zona d'o celebro. Ye caracteriza por un u quantos trastornos neurolochicos que deixan una predisposición en o celebro a padeixer convulsions recurrents, que gosan dar paso a conseqüencias neurobiolochicas, cognitivas y psicolochicas.[3]

Una convulsión, crisi epileptica u comicial ye un evento subito y de curta durada, caracterizato por una anormal y excesiva u bien sincronica actividat neuronal en o celebro. As crisis epilepticas gosan estar transitorias, con u sin disminución d'o libel de consciencia, movimientos convulsivos y atras manifestacions clinicas.

Ista malautía tamién afecta a os animals, especialment a os domesticos, sían gatos u cans, os sintomas son os mesmos descritos ta o estar humano.[4]

Aspectos historicos[editar | editar código]

Garra atra malautía permite remontar-nos en a historia d'a medicina tant como a epilepsia; existen muitas referencias dende os primers tiempos d'a historia que constatan que ista malotía bi ha acompanyato a l'hombre dende os suyos orichens. Ista malautía yera considerata como una d'as malotías cronicas mas habituals.

En os antigos textos mesopotamicos se describen ya os suyos sintomas tipicos como a malotía de Bennu, u Sitbu, anque  istos termins ta qualques autors pareixen designar tamién “aplego” u “lepra”.[5] Se compreba tamién que no yera infreqüent: en o codigo de Hammurabi, cuerpo lechislativo d'a Babilonia d'o sieglo XVII a. C., s'estableix que, si se descubre que un esclau adquiriu recientment sufre bennu, iste puede estar devuelto a o suyo anterior propietario en o plazo d'un mes.

Os seguidores d'a relichión tibetana Bön teneban por esleyitos a qui la padeixeban, mientres que en l'antiguidat judeocristiana se consideraba o suyo padeiximiento como un castigo divino u como obra de demonios.

En o Evanchelio de Marcos (9, 17-18) ye incluyita una descripción d'a epoca que ilustra perfectamen una crisi epileptica sufierta dende a infancia, an diz que a no poder chitar a l'esprito causant d'a crisi os suyos discipulos le levoron a Jesús o qual podió fer-lo y o poseito quedó como muerto ta dimpués fer-lo aturar, en o mesmo capitol se menciona unatra persona que feba fuera espritos en o suyo nombre:[6]

Pero no tardó en qüestionar-se l'orichen d'a epilepsia. En o sieglo V a. C., Hipócrates observó en soldatos y gladiadors que as feridas por traumatismo craneoencefalico s'asociaban con bella freqüencia a ataques epilepticos, desconcertantment pareixitos a os quals observaba en os suyos propios pacients.[7]

En a Edat Meya se perdió ixe legato medico. Se tornó a atribuir a l'epilepsia una causa sobrenatural. Os enfermos y os suyos familiars rezaban, implorando aduya, a la Virchen María y a Sant Valentín, en particular. [8]

Referencias[editar | editar código]

  1. "Plantilla:Citation error". http://www.charge.org.uk/htmlsite/dost.shtml. 
  2. Hughes, JR. The idiosyncratic aspects of the epilepsy of Fyodor Dostoevsky Epilepsy & Behavior, 2005
  3. "Plantilla:Citation error". http://www.ilae-epilepsy.org/ctf/over_frame.html. 
  4. «Epilepsia en perros».
  5. (es) Mejía Rivera, Orlando. Introducción crítica a la historia de la Medicina: de la prehistoria a la medicina egipcia. [1]. 1999. ISBN 9588041198.
  6. "Plantilla:Citation error". http://www.historialago.com/xto_03105_evang_marcos_01.htm. 
  7. Dam Gram, Lennart Gram, Mogens Dam. Epilepsia. [2]. Ed Med Panamericana, 1995.
  8. (es) Micheli, Federico. Tratado de neurología clínica. [3].