Enemy at the Gates

Enemy at the Gates
Títol	Enemy at the Gates
Póster d'a cinta.
Ficha tecnica
Dirección	Jean-Jacques Annaud
Aduyant de dirección	Paul Goldsmith Gero von Braunmühl
Dirección artistica	Peter Francis Neil Lamont Steven Lawrence Dominic Masters
Producción	Jean-Jacques Annaud
Disenyo de producción	Wolf Kroeger
Guión adaptau	Jean-Jacques Annaud Alain Godard
Basau en	Enemy at the Gates: The Battle for Stalingrad, libro de William Craig (1973)
Musica	James Horner
Fotografía	Robert Fraisse
Montache	Noëlle Boisson Humphrey Dixon
Escenografía	Simon Wakefield
Vestuario	Gudrun Leyendecker Janty Yates
Maquillache	Almut Gramer Paula Leupold Valeska Schitthelm Katrin Schneider Saskia Sudau Hasso von Hugo
Peluquería	Linda DeVetta Valeska Schitthelm Hasso von Hugo
Casting	John Hubbard Ros Hubbard
Actors	Jude Law Joseph Fiennes Rachel Weisz Bob Hoskins Ed Harris Ron Perlman Eva Mattes Gabriel Thomson Matthias Habich Andrej Kaminsky Robert Stadlober Tom Wlaschiha
Color	Color by DeLuxe Panavision
Datos y cifras
País(es)	Estaus Unius Reino Uniu Francia Alemanya Irlanda
Anyo	2001
Estreno	7 de febrero de 2001 Festival Internacional d'o Cine de Berlín (Berlín, Alemanya) 14 de marzo de 2001 Francia 16 de marzo de 2001 Reino Uniu 16 de marzo de 2001 Irlanda 16 de marzo de 2001 Estaus Unius
Chenero(s)	Cine belico
Durada	131 min.
Idioma(s)	Anglés Alemán Ruso
Companyías
Productora(s)	Mandalay Pictures Repérage Films Paramount Pictures
Distribución	Paramount Pictures Pathé Distribution Constantin Film Summit Entertainment
Presupuesto	68 millons de dólars
Recauto	97 millons de dólars

Enemy at the Gates (títol orichinal en anglés, en aragonés Enemigo en as puertas, estrenada en Aragón con o suyo títol traduciu enta lo castellano como Enemigo a las puertas) ye una cinta de cine belico coproducida por o cine estausunidense, lo cine britanico, lo cine francés, o cine alemán y lo cine irlandés estrenada l'anyo 2001, dirichida por Jean-Jacques Annaud seguntes un guión adaptau por él mesmo y por Alain Godard (basau en o libro Enemy at the Gates: The Battle for Stalingrad, publicau por William Craig en 1973), con una banda sonora orichinal de James Horner, una dirección de fotografía de Robert Fraisse, una producción cinematografica de Jean-Jacques Annaud ta las productoras Mandalay Pictures, Repérage Films y Paramount Pictures y que conta con un elenco d'actors formau por Jude Law, Joseph Fiennes, Rachel Weisz, Bob Hoskins, Ed Harris, Ron Perlman, Eva Mattes, Gabriel Thomson, Matthias Habich, Andrej Kaminsky, Robert Stadlober y Tom Wlaschiha, entre d'atros.

A cinta se basa en o personache historico de Vasily Zaitsev, un soldau de l'Exercito Royo que destacó mientres a batalla de Stalingrado como francotirador, tal como la conta l'historiador William Craig en o suyo libro Enemy at the Gates: The Battle for Stalingrad, encara que con muitas licencias narrativas. Prencipia cuan Vasily Zaitsev plega como soldau destinau a reforzar a las tropas de l'Exercito Royo que resisten en Stalingrado l'ataque d'o 6^eno Exercito Alemán. Nomás trescruzar o río Volga y plegar en Stalingrado, lo ninvían a un ataque suicida, mesmo sin disposar d'un fusil, y ye lo solo superviviemt de l'ataque, amagando-se en un grupo de cadavres. Por casualidat Danilov, un comisario politico ruso s'amaga con él y ye testigo de cómo Zaitsev mata a cinco soldaus alemans en menos d'un minuto. Cuan poco dimpués Nikita Kruschev ye arengando a los oficials sovieticos y demanando plans ta debantar a moral d'os suyos soldaus, Danilov proposa dar-lis asperanza y suchiere emplegar a Zaitsev como un eixemplo ta las tropas en destacando as suyas capacidaz militars. Tranfieren a Zaitsev enta la división de francotiradors y publicitan de contino las suyas fetas, convertendo-lo en un soldau ben fundament admirau por os soldaus y por tot o pueblo d'a Unión Sovietica. Cuan os alemans veyen que los francotiradors son matando a muitos alemans, deciden ninviar a Stalingrado a lo comandant Erwin König, un d'os suyos destacaus francotiradors, con l'obchectivo de matar a Zaitsev. Iste ha conoixiu a Tania Chernova, una mesacha soldau, de qui s'ha enamorau y lo sentimiento ye mutuo, pero tamién Danilov s'ha enamorau d'ella y preba de protecher-la d'os periglos d'estar soldau en ixa batalla en transferindo-la a una unidat d'intelichencia. Prencipia tamién una luita entre Zaitsev y König por veyer qui de los dos puet matar a l'atro, a la vegada que Danilov se resiente de l'amor entre Zaitsev y Chernova, dica lo punto que la mesacha consigue tamién o suyo treslau enta la unidat de francotiradors.

A cinta s'ambienta en a ciudat de Stalingrado en a Unión Sovietica (hue dita Volgograd, en Rusia) en l'anyo 1942 y las suyas escenas se filmoron en Potsdam y Rüdersdorf (Brandemburgo) y en localizacions en Bavera en Alemanya.

Ye una cinta que ha recibiu bellas nominacions a bels premios cinematograficos, en destacando tres nominacions a los Premios d'o Cine Europeu (Premio Jameson d'o Publico d'os Premios d'o Cine Europeu a la Millor Actriz, Premio Jameson d'o Publico d'os Premios d'o Cine Europeu a o Millor Actor y Premio Jameson d'o Publico d'os Premios d'o Cine Europeu a o Millor Director) en a suya 14^ena edición.

Elenco

Actor	Papel	Notas
	'

Se veiga tamién

• Cine en 2001.
• Cintas de 2001.

Vinclos externos

• (en) Enemy at the Gates en Internet Movie Database.
• (en) Enemy at the Gates en Rotten Tomatoes.
• (en) Enemy at the Gates en Metacritic.
• (en) Enemy at the Gates en Box Office Mojo.