Encelado (satelite)

Encelado
Encelado
Caracteristicas orbitals
Radio meyo:	252,1 ±0,2 km
Excentricidat:	0,0047
Periodo orbital:	1,370218 d
Satelite de:	Saturno
Caracteristicas fisicas
Masa:	1,08022 ×10 20 kg
Densidat meya:	1,609 ±0,005 g/cm3
Gravedat superficial:	0,113 m/s²
Velocidat d'escape:	0,239 Km/s
Inclinación axial:	0
Albedo:	1,375
Temperatura superficial:
• Minima:	32.9 K (-240 °C)
• Maxima:	145 K (-128 °C)
• Meyana (día):	75 K (-198 °C)
Caracteristicas atmosfericas
Vapor d'augua	91 %
nitrocheno	4 %
dioxido de carbonio	3,2 %
metano	1,7 %

Encelado ye lo sexto satelite mas gran de Saturno, con bells 500 km de diametro, aproximadament a decena parti d'o diametro de Titán, que ye lo mayor satelite saturniano. Ye cubierto per una capa de chelo recient y limpio que reflecta quasi tota la luz solar que incide sobre ell, per o que la temperatura superficial nomás aconsigue los –198 C a meyodía. Tot y con a suya chicota grandaria, tiene una amplia variedat de rasgos superficials que van dende rechions antigas y plenas de craters dica terrenos chovens y deformaus tectonicament que se formoron fa tasament 100 millons d'anyos.

Estió descubierto lo 28 d'agosto de 1789 per William Herschel, pero se sabeba muito poco d'ell dica que las sondas Voyager pasoron muito amán a primers d'o decenio de 1980. En 2005, la sonda Cassini-Huygens prencipió una serie de sobrevuelos que reveloron mayors detalles.

Exploración

A sonda Voyager 2 pasó amán y obtenió imachens d'alta resolución en agosto de 1981, revelando la choven superficie d'iste satelite. Manimenos o estudio deteniu prencipió con a plegada d'a misión Cassini-Huygens o 30 de chunyo de 2004, quan se metió en orbita arredol de Saturno.

Vida en Encelado

A sonda Cassini-Huygens ha proporcionau una cerenya evidencia de que Encelado tien un ocián con una fuent d'enerchía, nutrients y moleculas organicas, fendo d'ell uno d'os puestos millors pa lo estudio d'entornos potencialment habitables per a vida extraterrestre.