Ir al contenido

Ixopinau

De Biquipedia
(Reendrezau dende En sopinas)
Escarabacho tripa ta alto u ixopinau.
Nino ixopinau en una camilla.

Ixopinau[1][nota 1] (d'o latín exsupinatus), sopinau[1][nota 2] (d'o latín supinatus) u resopinau[1][nota 3] ye una posición de tripa ta alto de a cual en ye difícil salir. Existe o verbo "ensopinar"[2][3][nota 4] («meter tripa ta alto» por eixemplo a o latón en a matacía), que tamién tiene a forma reflexiva "sopinar-se"[1][nota 5] (d'o latín supināre), "resopinar-se"[1][nota 6] (d'o latín *resupināre) u "ensopinar-se"[2][3][4][5][nota 7] («quedar-se tripa ta alto»). Una cayida a tierra tripa ta alto se diz "sopinada".[1]

Etimolochía

[editar | modificar o codigo]

A parola dimana d'o latín <supīnus, -a,[6] y por ixo ye relacionada con o termino anatomico decubito supino (cultismo).

As formas con -p- son mas propias d'as zonas conservaderas con as consonants oclusivas xordas intervocalicas, como o Sobrarbe, «ensopinar» y «ensopinar-se», mientres que a forma con -b- ye cheneral en a resta d'Aragón; «ensobinar» y «ensobinar-se». Mesmo a Real Academia Española considera o verbo «ensobinar» un aragonesismo propio d'o castellano d'Aragón.[4]

En aragonés se conoix tamién a variant "ensupinar",[5] que ye una variación vocalica d'ensopinar, documentada en a val de Vio[5] y en a de Tella.[7]

Tamién se diz que un animal ye "ensobinau" cuan ye poco vivo, poco atento, con a cabeza cocha u que da indicios de malotía.[2] Rafael Andolz tamién replega ixe adchectivo pa os abríos que se les ha enreligau a brida en a pata.[2]

  1. ↑ En femenín ixopinada.
  2. ↑ Con a variant supinau. En femenín sopinada.
  3. ↑ Con as variants resopinato, resupinau y arresopinau. En femenín resopinada.
  4. ↑ Con a variant "ensobinar".
  5. ↑ Con a variant "supinar-se".
  6. ↑ Con as variants "resupinar-se" y "arresopinar-se".
  7. ↑ Con a variant "ensobinar-se".

Referencias

[editar | modificar o codigo]
  1. 1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
  2. 1 2 3 4 (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6
  3. 1 2 (es) TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  4. 1 2 (es) Voz «ensobinarse» en o DRAE; consultau o 25 de marzo de 2019.
  5. 1 2 3 (es) QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions. Zaragoza, 2007. ISBN 978-84-8094-060-3
  6. ↑ (ca) Locución «de sobines» en catalán; consultau o 25 de marzo de 2019.
  7. ↑ (es) LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Gara d'Edizions. Zaragoza, 2010. ISBN 978-84-8094-062-7
Obteniu de "https://an.wikipedia.org/w/index.php?title=Ixopinau&oldid=2306173"