Empanadico

Empanadico
Pastiello de Balbastro
Atras denominacions
pastiello, empanadón
Orichen cheografico
Cocina:	Gastronomía aragonesa
Orichen:	Aragón
Se mincha en:	Aragón

L'empanadico^[1], conoixiu como pastiello^[1]^{[nota 1]} en Balbastro^[2] y en gran parti d'o Pireneu aragonés, tamién dito empanadón^[1]^{[nota 2]}, ye una mena d'empanada dolza elaborada tradicionalment en a repostería d'a provincia de Uesca (Aragón).^[3] Gosa estar feito de cuantos farcius, estando o mas popular o de carbaza y pansas (empanadico de carbaza) que s'identifica con o municipio uescano de Lobarre.^[4] En bellas ocasions se fa de trunfa (tipico d'o lugar d'Aniés), con trunfa y pinyons (a vegadas tamién con almendra), manzana acida u queso. Ye frecuent que s'elabore en as casas y en as pastelerías d'a provincia de Uesca mientres as calendatas nadalencas.^[2] En l'actualidat puet ir acompanyando cualsiquier plato de carne en forma de tapa.

No nomás ye un postre dulce. Tamién se fa con lomo de tocín; o de trunfa puet levar tocín (panceta) u bels tallos de magra (tocín de pernil). Se fa tamién con setas en temporada. I hai un buen obrador que los fa en o lugar de Sietemo.

Por un recetario familiar que ranca en 1850, se sabe que en orichen se emplegaba aceite, que podía estar usau, y augua. A l'aceite le'n sacaba a sabor con limón u cebolla, y a masa se feba con a mezcla de liquido caliente y no leuta.

Notas

↑ Con a variant pastillo
↑ Con a variant panadón

Referencias

↑ ^1,0 ^1,1 ^1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ ^2,0 ^2,1 (es) Coll Clavero, Joaquín, Manjares del Somontano, La Val de Onsera (Cocinas del alma, 1), Uesca, 2002.
↑ (es) Centro de Estudios de Etnología Peninsular (España), Instituto Antonio de Nebrija. Sección de Tradiciones Populares, (1974), Revista de dialectología y tradiciones populares, Vol. 30, La Sección
↑ (es) Jesús Ávila Granados, (2003), El libro de la repostería tradicional, pag. 233