Elwetritsch

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un elwetritsch en una fuent en Neustadt an der Weinstraße.

L'elwetritsch (tamién como que elwetrittche, elwedritsch u ilwedritsch; en latín bestia palatinensis) ye una creatura mitica pareixida a un muixón que s'informa en o sudueste d'Alemanya y especialment en o Palatinato.

L'elwetritsch ha de veyer-se como un equivalent local de creaturas miticas en atras rechions alemanas, como que o bavaro Wolpertinger u o Rasselbock de Turinchia.

Descripzión

Ye descrito habitualment como pareixiu a un pollo con astas, pero tenendo escamas en cuenta de plumas. Tamién se diz que as suyas alas son inutils y que por ixo vive prencipalment en a selva, baixo lianas. L'elwetritschen presuntament s'orichinaba de cruciar pollos, anedas y aucas con creaturas d'orichen mitico como que follets y elfos.

Etimolochía

Existen cuantas teorías sobre l'orichen d'a parola.

Una interpretación asume se refiere a os elfos. O nombre podría tener bella cosa que veyer con a parola "elbentrötsch". Ista ye una condición que ocurre cuan una persona u un animal ye aconseguiu por una sayeta, un lampedo u l'aliento d'un elfo. Unatra interpretación creye que tiene una radiz en francés. Seguntes isto, yera un "triche des élèves" u, en Alsacia, un "Eleventriche", una estafa d'artesans.