Elephant Walk

Elephant Walk
Títol	Elephant Walk
Póster d'a cinta.
Ficha tecnica
Dirección	William Dieterle
Aduyant de dirección	Francisco Day
Dirección artistica	J. McMillan Johnson Hal Pereira
Producción	Irving Asher
Guión adaptau	John Lee Mahin
Basau en	Elephant Walk, novela de Robert Standish (1948)
Musica	Franz Waxman
Soniu	John Cope Gene Merritt
Fotografía	Loyal Griggs
Montache	George Tomasini
Escenografía	Sam Comer Grace Gregory
Vestuario	Edith Head
Maquillache	Wally Westmore
Actors	Elizabeth Taylor Dana Andrews Peter Finch Abraham Sofaer Abner Biberman Noel Drayton Rosalind Ivan Barry Bernard Philip Tonge Edward Ashley-Cooper Leo Britt Mylee Haulani
Color	Technicolor
Datos y cifras
País(es)	Estaus Unius
Anyo	1954
Estreno	25 de febrero de 1954 Abilene (Texas, Estaus Unius)
Chenero(s)	Cine de drama Cine d'aventuras
Durada	103 min.
Idioma(s)	Anglés
Companyías
Productora(s)	Paramount Pictures
Distribución	Paramount Pictures
Presupuesto	3 millons de dólars
Recauto	3 millons de dólars
Informacions en bases de datos especializadas:

Elephant Walk (títol orichinal en anglés, en aragonés O paseyo de l'elefant, estrenada en Aragón con o títol en castellano de La senda de los elefantes, en aragonés A talladera d'os elefants) ye una cinta de cine estausunidense de cine de drama d'aventuras estrenada l'anyo 1954, dirichida por William Dieterle seguntes un guión adaptau por John Lee Mahin (basau en a novela Elephant Walk, que heba publicau Robert Standish l'anyo 1948), con una banda sonora orichinal de Franz Waxman, una dirección de fotografía de Loyal Griggs, una producción cinematografica d'Irving Asher ta la productora cinematografica Paramount Pictures y un elenco d'o cual en fan parte Elizabeth Taylor, Dana Andrews, Peter Finch, Abraham Sofaer, Abner Biberman, Noel Drayton, Rosalind Ivan, Barry Bernard, Philip Tonge, Edward Ashley-Cooper, Leo Britt y Mylee Haulani, entre d'atros actors.

Poco dimpués de rematar a Segunda Guerra Mundial, John Wiley plega enta lo Reino Uniu ta buscar-ie una esposa. Ye un cabalero propietario d'una gran plantación de te en Ceilán, y conoix a Ruth, una choven que treballa en una librería y s'enamora d'él. Como pan d'a voda visitan bels lugars y países se camín enta Ceilán, a on Ruth veye que su mariu poseye una gran fortuna, cosa que no conoixeba dica qué livel. Cuan son de camín por a chungla con l'auto, troban a un elefant masclo que lis impide lo paso, y John dispara ta ixafurnar-lo. Bien luego Ruth comprén que John ye dominau por a figura de su difunto pai, qui construyó la gran mansión familiar en bel mayo d'a talladera que emplegaban os elafants ta plegar enta lo río. Tamién descubre que a mai de John fuyó de Ceilán ta tornar enta Anglaterra pero que si mariu la obligó a tornar ta que lo suyo fillo naixese en a plantación, y la muller morió bien luego. Amás, Appuhamy, lo chefe d'os criaus d'a casa, reverencia a lo "Gubernador", como claman a lo pai de John, y gosa ir enta la suya tomba (que se troba en o centro d'o gran chardín d'a casa) ta explicar-li a lo difunto cosas negativas de Ruth. Fialment Ruth tamién conoix que lo "Gubernador" heba construyiu conscientment a casa en a talladera d'os elefants, y que lo masclo contra lo que John heba disparau proba terne que terne de dentrar en a propiedat ta recuperar o camín ancestral d'elefants. A la vegada, descubre que ye la sola muller europea de tot o districto, y que atros propietarios de plantacions gosan visitar a John y celebrar-ie faricandolas con abundant consumo de bebodas alcolicas y que ixo fa que John tienga con ella comportamientos casi que violentos. Prencipia a refuchiar-se en l'administrador de John, Dick Carver, y prencipian a enamorar-se, encara que Ruth contina sin crebar o vinclo con o suyo esposo, dica que finalment con una zaguera agresión oprta por marchar. Tanimientres, troban o camín zarrau en haber esclatau una epidemia de colera, y Ruth ye qui organiza lo treballo d'as enfermeras ta rendrezar a situación. Ixo fa que Appuhamy li diga a lo Gubernador que yera equivocau y que aspera que Ruth remanie en a casa. Tanimientres, ye lo momento en que l'elefant masclo conduz a lo suyo rabanyo enta lo muro d'a finca y consiguen dentrar-ie, matando a Appuhamy y esvoldregando la gran mansión.

A cinta s'ambienta a finals d'os anyos 1940 en Sri Lanka y Anglaterra. y las suyas escenas se filmoron en Colombo (Provincia de l'Ueste) y Kandy, Matale y Polonnaruwa (Provincia Central) en Sri Lanka, amás d'o rancho Iverson en Los Angeles (California) en os Estaus Unius.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• Se veigan as imáchens de Commons sobre Elephant Walk.
• (en) Elephant Walk en Internet Movie Database.
• (en) Elephant Walk en TCM Movie Database.
• (en) Elephant Walk en l'American Film Institute Catalog de l'American Film Institute.

• Datos: Q166711
• Multimedia: Elephant Walk / Q166711