El hombre de Río Malo

El hombre de Río Malo
Títol	El hombre de Río Malo
Ficha tecnica
Dirección	Eugenio Martín
Dirección artistica	Julio Molina
Producción	Bernard Gordon
Disenyo de producción	José Luis Galicia
Guión orichinal	Philip Yordan Eugenio Martín
Musica	Waldo de los Ríos Tony Duhig
Fotografía	Alejandro Ulloa
Montache	Antonio Ramírez de Loaysa
Maquillache	Fernando Florido Julián Ruiz
Peluquería	María Nieves Ruiz
Efectos especials	Manuel Baquero
Actors	Lee Van Cleef Gina Lollobrigida James Mason Simón Andreu Diana Lorys Sergio Fantoni Jess Hahn Luis Rivera
Color	Eastmancolor Franscope Technicolor
Datos y cifras
País(es)	Espanya Italia Francia
Anyo	1971
Estreno	3 d'aviento de 1971 Alemanya Occidental 23 d'aviento de 1971 Italia 12 de chulio de 1972 Francia 19 de marzo de 1973 Madrit (Comunidat de Madrit, Espanya)
Chenero(s)	Cine de western Cine de comedia Cine de drama Cine de romance
Durada	90 min.
Idioma(s)	Castellano Italiano Anglés
Companyías
Productora(s)	International Apollo Films Les Productions Jacques Roitfeld Zurbano Films
Distribución	International Apollo Films
Estudio(s)	Estudios Madrid Film Estudios Madrid 70
Informacions en bases de datos especializadas:

El hombre de Río Malo (títol orichinal en castellano, en aragonés L'hombre de Río Malo, estrenada en Aragón con o suyo títol orichinal) ye una cinta de cine de western comico-dramatico d'aventuras coproducida por o cine espanyol, o cine italiano y lo cine francés, estrenada l'anyo 1971, dirichida por Eugenio Martín seguntes un guión orichinal d'él mesmo y de Philip Yordan, con una banda sonora orichinal de Waldo de los Ríos y Tony Duhig, una dirección de fotografía d'Alejandro Ulloa y una producción cinematografica de Bernard Gordon ta las productoras International Apollo Films, Les Productions Jacques Roitfeld y Zurbano Films. Conta con un elenco d'actors d'o cual en fan parte, entre d'atros, Lee Van Cleef, Gina Lollobrigida, James Mason, Simón Andreu, Diana Lorys, Sergio Fantoni, Jess Hahn y Luis Rivera.

Roy King diriche una banda adedicada a enganyuzar mesmo a los rebels mexicanos que a lo Gubierno de Mexico. Bel día roban un banco y fuyen en tren, a on Roy conoix a Alicia, una misteriosa y polidisma muller. Enamorau d'ella, se casan, pero nomás fan que casar-se y Alicia fuye con o millonario botín. Cuan dimpués Roy plega en enta la muga de Mexico, troba una atra vegada a Alicia, ista vegada casada con Francisco Montero, propietario d'un casino en o río. Pero Alicia convence a toz dos ta partecipar en un plan arrisgau: han de colaborar ta aduyar a un líder rebel a destruyir un almagacén d'armas de l'exercito federal, porque lo rebel ufre un millón de dólars a qui lo consiga. Pero malas que plegan enta Mexico descubren que sí, que la recompensa ye real, pero que lo líder revolucionario ye una mica barrenau y que, amás, o treballo no yeta tan fácil como inicialment pareixeba. Ta completar, Alicia no se contenta con nomás que dos marius, mas encara si bi ha un millón de dólars de premio.

A cinta s'ambienta en os anyos 1910 en Mexico mientres a Revolución Mexicana, y las suyas escenas se filmoron en Colmenar Viejo (Comunidat de Madrit) y localizacions en Castiella-La Mancha, amás d'en os Estudios Madrid Film y los Estudios Madrid 70 en a ciudat de Madrit, tamién en a Comunidat de Madrit.

Elenco

Actor	Papel	Notas
	'

Se veiga tamién

• Cine en 1971.
• Cintas de 1971.

Vinclos externos

• (en) El hombre de Río Malo en Internet Movie Database.
• (es) El hombre de Río Malo en FilmAffinity.

• Datos: Q664466