El Villarecho (Terrient)

De Biquipedia
Ir a la navegación Ir a la búsqueda
El Villarecho
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Sierra d'Albarrazín
Terrient
Altaria 1163 m.
Distancia
 • 5[1] km

enta Terrient
Codigo postal 44120
Parroquial
 • Diocesi
 •Arciprestato


Albarrazín

El Villarecho (El Villarejo en castellán y oficialment) ye un pedanía[2] de Terrient, en la comarca de la Sierra d'Albarrazín y en la provincia de Teruel.

Toponimia[editar | editar código]

Lo toponimo Villarecho deriva de Villar con lo sufixo -echo. Devez, la parola villar deriva de villa y puede estar indicativa de despoblación, de feito en la provincia d'Avila tiene lo significau d'expleitación agraria. En la Sierra d'Albarrazín se troba a sobén Villarejo como microtoponimo que indica puestos que estioron suposaus nuclios de población[3]. En la grafía medieval los podemos veyer como Villarejo u Villareio, conoixendo-se la forma Villarecho en las actas de lo proceso de Cortz d'Alcanyiz de 1436 referiu a atro Villarecho de la zona entre Albarrazín y Exea d'Albarrazín:

Mas avant dizen los ditos procuradores que la población vulgarment clamada Exea de Albarrazin e las masadas vulgarment clamadas La Cueva Cardencla e El Villarecho fueron, eran e son sitiadas en los terminos e dentro de los terminos e son de los terminos de la dita ciudat de Albarrazin e de sus aldeas e del su districto e jurisdiccion de la dita ciudat de Albarrazin e de los officiales de aquella,

Cheografía[editar | editar código]

El Villarecho ye en la part sudueste de lo termin municipal de Terrient en una zona que desaugua enta lo río Cabriuel a traviés de lo suyo afluent rambla de Villarecho. Se plega a El Villarecho baixando enta l'ueste dende lo puerto de Terrient por carretera TE-65. Dende ixe puerto las localidatz mes accesibles son Terrient a lo norte y Toril a lo sud.

Historia[editar | editar código]

En los sieglos XVI y XVII los habitants d'El Villarecho perteneixeban a la categoría de barraños por no vivir en garra aldeya de la Comunidat d'Albarrazín y estar consideraus vecins de la ciudad d'Albarrazín. Manimenos, por haber de pagar la peita como los aldeyanos y haber-se de recullir esta peita en Terrient y no en la ciudat d'Albarrazín apareixen en la documentación como barraños de Terriente[4].

En 1618 Sebastián de Utienes feba mención d'El Villarecho como una masada[2]:

Item en la masada llamada el Villarejo la hermita...

El Villarecho perteneixió a lo Correchimiento d'Albarrazín entre 1711 y 1833. En 1857 figuraba como una aldeya de Terrient[5].

Puestos d'intrés[editar | editar código]

Referencias[editar | editar código]

  1. (es) Javier Martínez: Albarracín y los Montes Universales. Rutas CAI por Aragón, nº 3. CAI, 2003, p 81.
  2. 2,0 2,1 2,2 (es) César Tomás Laguía: Las iglesias de la diócesis de Albarracín, Revista Teruel, nº 32, 1964, pp. 130-138.
  3. (es) Juan Manuel Berges Sánchez: Actividad y estructuras pecuarias en la Comunidad de Albarracín (1284-1516). Editor: CECAL, 2007. pp 241-242.
  4. (es) Eloy Cutanda Pérez: La Comunidad de Albarracín en los siglos XVI y XVII (hacienda, élites, poder). Centro de Estudios de la Comunidad de Albarracín (CECAL), 2010. ISBN 978-84-693-1016-8. pp 87-89.
  5. (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 499-500.


Nuclios de población de Terrient
El Villarecho | Foyos Quemados | Los Molinares | Mierla | Molinos d'Algarbe | Terrient | Villalba