El Tarter

	El Tarter
	Localidat d'Andorra
	; Ilesia de Sant Pero
Estau; • Parroquia; • Vecindau	Andorra; Canillo; El Tarter
Población; • Total	; 747 hab. (2014)
Altaria; • Meyana	; 1.710 m.
Codigo postal	AD100
Coordenadas	42°34’59’’N 1°39’ 0’’E
	El Tarter El Tarter en Andorra

El Tarter ye un lugar d'o Prencipau d'Andorra situau en a parroquia de Canillo.^[1] En l'anyo 2015 teneba 672 habitants.^[2]

Toponimia

Ye un toponimo d'orichen discutiu. Joan Coromines postula o latín tartareus 'parache infernal', chustificando-lo por o «caos de rocas arido y intransitable» que ye una tartera,^[3] mientres que Manuel Anglada opta por os morfemas ibericos kar 'piedra' (cf. penya) y tar 'gran', con un hipotetico kar tar-tar que se podría traducir por «gran cantidat de piedras».^[4]

Descripción

En os meses d'hibierno se torna en un lugar d'esquiadors. Se puet practicar esquí a o largo d'os 210 km de l'aria d'esquí Grandvalira, a mayor estación d'os Pireneus. A estación tien accesos dende Encamp, Canillo, El Tarter, Soldeu, Grau Roig, Pas de la Casa y Porte des Neiges.

O pueblo ye a 1700 m y a cima de l'aria d'esquí ye a 2580 m. O teleferico, con orichen dende l'aparcamento d'el Tarter, plega dica os 2250 m, a on son ubicadas as escuelas de snowboarding y esquí, asinas como bels restaurants. Dende iste punto ye posible acceder a las partis mas altas d'a estación con as emblematicas pistas "Miquel" u "Llop".

En os días que i hai mayor precipitación de nieu a estación ofreixe un servicio de transporte por retrac a esquiadors a pistas de difícil acceso y d'alta dificultat tecnica.

Encara que i hai un important numero de tabiernas y restaurants dando un ambient animau, o lugar s'orienta mas a la familia que o lugar vecín de Soldeu.

Se veiga tamién

Referencias

↑ (ca) El Tarter en Gran Enciclopedia Catalana.
↑ (ca) Población por lugar. Departamento d'Estatistica d'Andorra.
↑ (ca) TARGASONA. A: Onomasticon Cataloniae. Joan Coromines. vol. VII. Barcelona: Curial Edicions Catalanes, 1997, p. 238. ISBN 84-7256-331-6.
↑ (ca) "Arrels d'Andorra. Prehistòria d'Andorra a través dels noms de lloc". Noms dels nuclis urbans. Tarter, el. Manuel Anglada i Ferran. Editorial Andorra. Andorra la Vella, 1993. Pach. 264-265. ISBN 99920-53-02-X

Localidaz d'a parroquia de Canillo
L'Aldosa \| Canillo \| El Forn \| Incles \| Meritxell \| Els Plans \| Prats \| Ransol \| Soldeu \| El Tarter \| El Vilar

Datos: Q24413
Multimedia: Soldeu - el Tarter / Q24413

[1] (ca) El Tarter en Gran Enciclopedia Catalana.

[2] (ca) Población por lugar. Departamento d'Estatistica d'Andorra.

[3] (ca) TARGASONA. A: Onomasticon Cataloniae. Joan Coromines. vol. VII. Barcelona: Curial Edicions Catalanes, 1997, p. 238. ISBN 84-7256-331-6.

[4] (ca) "Arrels d'Andorra. Prehistòria d'Andorra a través dels noms de lloc". Noms dels nuclis urbans. Tarter, el. Manuel Anglada i Ferran. Editorial Andorra. Andorra la Vella, 1993. Pach. 264-265. ISBN 99920-53-02-X

[1]

[2]

[3]

[4]