El Pas de la Casa
| El Pas de la Casa | |
| Localidat d'Andorra | |
 El Pas de la Casa | |
| Estau • Parroquia |
 Andorra Encamp |
| Población • Total |
1927 hab. (2022) |
| Altaria • Meyana |
2.050 m. |
| Codigo postal | AD200 |
| Coordenadas | |
| Web oficial | |
El Pas de la Casa (en francés Le Pas de la Case) ye un lugar d'o Prencipau d'Andorra situau en a parroquia d'Encamp.[1] En l'anyo 2018 teneba 1.950 habitants.[2]
Toponimia
[editar | modificar o codigo]O suyo nombre se debe a o feito de que en primerías d'o sieglo XX nomás i heba una casa en iste puesto de paso, que yera conoixiu d'antis mas como Pas del Bac u Bac de la Casa.[3]
Cheografía
[editar | modificar o codigo]Ye a unica parti d'Andorra que mira enta a versant atlantica y ye a on naixe o río Arièja. Situau a 2.050 metros sobre a livel d'a mar ye a localidat mas alta d'Europa. En trobar-se chunto a la muga con Francia, concretament mugant con a comuna de Porta, o francés ye a segunda luenga mas emplegada en El Pas de la Casa en a retulación d'os establimientos comercials, dimpués d'o catalán, a causa d'a fuerte presencia de franceses en l'asentamiento.[4]
O territorio d'el Pas de la Casa fa parti d'a parroquia d'Encamp fruito d'un contrato d'enfiteusi, ya que ye un lugar aleixau d'o centro d'a parroquia. Ye por ixo que i hai cierta voluntat de creyar una parroquia independient par iste lugar, pa o que s'habría de cambiar manimenos a Constitución de 1993.
Historia
[editar | modificar o codigo]En zaguerías d'o sieglo XIX nomás i heba que una casa solenca en tot o paso, d'un pastor dito Valentí que i puyaba pa fer correr o ganau de verano, estando o lugar vueito a resta de l'anyo. En os anyos 1930 se construyió a CG-2 que conecta Andorra la Viella con El Pas de la Casa, os obrers s'instaloron en o lugar construyindo barracas para vivir.[5]
Economía
[editar | modificar o codigo]As dos fuents prencipals de riqueza son o comercio, que chenera un turismo de muga, mas que mas de chent procedent de Francia, a traviés d'os suyos almagacens sin impuestos, y os esportes d'hibierno, con a estación d'esquí de Grandvalira.
Elementos d'intrés
[editar | modificar o codigo]- Ilesia de Sant Pero
- Puerto d'Envalira (2.408 m) ye o puerto mas altero d'os Pireneus.
- Estación d'esportes d'hibierno de Grandvalira.
Fiestas
[editar | modificar o codigo]A fiesta mayor ye o día 29 de chunio, día de Sant Pero.[6]
Referencias
[editar | modificar o codigo]- ↑ (ca) Vila en Gran Enciclopedia Catalana.
- ↑ (ca) Población por lugar. Departamento d'Estatistica d'Andorra.
- ↑ (fr) ANDORRE 2017 Carnet. Dominique Auzias, Jean-Paul Labourdette. Petit Futé. ISBN 979-10-331-6305-3
- ↑ (ca) El Pas de la Casa, convertit en un poble fantasma. 324cat, 8 de mayo de 2019.
- ↑ (es) Fets històrics importants del Pas de la Casa. El Camí.
- ↑ (ca) Festa Major del Pas de la Casa. Comú d'Encamp.
Vinclos externos
[editar | modificar o codigo]
Se veigan as imáchens de Commons sobre Pas de la Casa.
| Localidaz d'a parroquia d'Encamp | |
|---|---|
| Les Bons | Els Cortals d'Encamp | Encamp | El Pas de la Casa | El Tremat | Vila |
| Control d'autoridaz |
|
|---|
Datos: Q24456- Multimedia: Pas de la Casa / Q24456