El Parrissal

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

El Parrissal
Datos chenerals
Tipo	ZEPA PIC
Establiu
Superficie
Situación
Situación	Matarranya
Latitut
Lonchitut
Mapa

El Parrissal (en castellano El Parrizal) ye un trampo d'o río Matarranya situau en o municipio de Bezeit, en o entorno d'os Puertos de Bezeit.

En a dentrada a la rota d'el Parrissal se troban as pinturas rupestres de La Fenellassa, situadas en a base d'una roca calsinera de ueito metros d'altaria y descubiertas por l'arqueologo Juan Cabré Aguiló. Fan parti d'o conchunto d'Arte Rupestre de l'Arco Mediterranio d'a Peninsula Iberica, declarau Patrimonio d'a Humanidat por a UNESCO en 1998.

En el Pla de la Mina del Parrissal, se pueden veyer as antigas instalacions que se feban servir pa transportar y almadazenar carbón d'as menas que bi heba en a redolada: a mena de la Partida de Formenta, de 1964, a mena Belenguera que prencipió a expleitar-se mientres a Primera Guerra Mundial y a mena Rogelio, de 1935. Dende aquí o camín contina a traviés de palangas de fusta, en pasando a traviés de Les Gubies del Parrisal, formacions cheolochicas que se debantan sobre o río y dica plegar en Els Estrets del Parrissal, un canyón de 60 m d'altaria, 1.5 m d'amplaria y 200 m de largaria.

Fauna y flora

Bi ha una important población de cabra montés en a zona, asinas como una gran riqueza d'aus rapinyaderas. Destacan l'aguila perdiguera (Aquila fasciata), l'aguila reyal (Aquila chrysaetos) y o falcón peregrín (Falco peregrinus) que comparten habitat con bellas rapinyaderas nueiturnas como o bubons (Bubo bubo) y con aus carnuceras como a voleta (Neophron percnopterus) y o vueitre leonado (Gyps fulvus). Entre os peixes presents se i troban as truitas (Salmo trutta) y atras especies de gran valura como a madrilla (Parachondrostoma toxostoma) u a madrilleta roya (Achondrostoma arcasii), o barbol de casta (Luciobarbus graellsii) y o pez fraile (Aphos porosus). Cal destacar tamién a presencia en istas augua d'a loira (Lutra lutra).

A vechetación propia d'os puertos de Bezeit ye diversa con importants masas forestals de pin royo (Pinus sylvestris) y de pin nasarro (Pinus nigra), antimás de carrascas (Quercus ilex), caixicos (Quercus), avellaneras (Corylus avellana) y atras especies como acirons (Acer) y cardoneras (Ilex aquifolium). Entre os arbustos destaca o buixo (Buxus) y o chinebro (Juniperus oxycedrus). Chunto a o recorriu bi ha huertos y terrenos de cautivo en faixas con oliveras (Olea europaea) y almendreras (Prunus dulcis).

Cheomorfolochía

Les Gúbies del Parrissal

O río Matarranya recorre ista zona encaixau entre calsineras d'os periodos Churasico y Cretacico, creyando un poliu canyón fluvial con a-saber-las gorgas fundas y d'auguas transparents. O modelau karstico ye present con muitas formas de disolución y precipitación. Se pueden veyer toscas y travertinos a o largo d'o río creyando piscinas naturals como a existent en Mas de Lluvia.

Acceso

El Parrissal

Se i plega dende o lugar de Bezeit a traviés d'una pista parcialment asfaltada de 6 kilometros dos aparcamientos dende a on s'accede andando a El Parrissal.

Feguras de protección

El Parrissal s'incluye en as siguients feguras de protección:

• ZEPA ES0000298 Matarranya-Aiguabarreix.
• PIC ES2430097 Río Matarranya.
• PIC ES2420036 Puertos de Bezeit.
• Reserva Nacional de Caza d'os Puertos de Bezeit.

Vinclos externos

• Se veigan as imachens de Commons sobre el Parrissal de Bezeit.
• (es) El Parrizal del Beceite: la joya que recorre el río Matarraña. www.lasprovincias.es
• (es) Ruta del Parrizal / Parrissal. Turismo de Bezeit.
• (es) En Matarranya Turismo
• (es) Ruta del Parrizal en Viajero Crónico