Egon von Eickstedt

De Biquipedia
Ir ta: navego, busca
Egon von Eickstedt
Información personal
Calendata de naixencia 10 d'abril de 1892
Puesto de naixencia Flag of the German Empire.svg Jeseritz
Calendata de muerte 20 d'aviento de 1965
Puesto de muerte Flag of Germany.svg Maganza
Ocupación antropologo

Egon Freiherr von Eickstedt (naixito de Jeseritz (Posnania) o 10 d'abril de 1892 y muerto en Maganza o 20 d'aviento de 1965) estió un antropologo fisico alemán que escribió en 1934 un tractato sobre clasificacions racials que esdevinió un clasico. Von Eickstedt considera a humanidat dividita en tres subespecies (europidos, mongolidos y negridos).

A clasificación racial de Von Eickstedt[editar | editar código]

Como caracteristicas particulars d'a clasificación suya tenemos:

  • As veddas (os pobladors més antigos d'a India) son clasificatos como proto-europidos
  • Os Khoisanidos son clasificatos como mongolidos.
  • Totz os grupos humans de baixa estatura d'Africa y Asia, a més d'os aborichens australians y os melanesidos son clasificatos en os negridos.

En o suyo libro Rassenkunde und Rassengeschichte der Menschheit (Etnolochía y Historia Racial d'a Humanidat) yera d'alcuerdo en parte con l'antropologo William Z. Ripley, autor de The Races of Europe (1899), pero esfendeba que os europeus tienen quatre "tipos racials" basicos:

A diferencia de Ripley, dividió estas quatres razas basicas europeas en "subrazas". D'alcuerdo con a tipolochía racial de Eickstedt's, os Nordicos se dividen en "subraza Teuto-Nordica" en l'ueste, a "Dalo-Nordica" en o centro e a "Fenno-Nordica" en l'este. Eickstedt veyeba a "Teuto-Nordica" como o tipo racial nordico més puro y defendeba que os a més pura "Dalo-Nordicos" yeran nordicos mezclatos con Cromanyons. Tamién dividió os alpinos en quatre subgrupos: os alpins d'Europa occidental, os dinaricos en l'este d'Europa, armenoides en o sud d'Asia y turanidos en Asia Central. Pretendeba tamién que a "raza Mediterrania" se composaba d'a "subraza mediterrania" en o norte d'Africa, a "subraza Orientalida" en Orient Meyo y la "subraza Indida" en o subcontinent Indostanico.

Eickstedt creyeba que belunas d'as subrazas europeas yeran progresivas y atras yeran primitivas, por eixemplo creyeba que a "primitiva subraza Alpina" heba aturato a suya evolución, pero que a progresiva "subraza Dinarica" encara evolucionaba.

Eickstedt creyeba que las "razas d'Europa" s'orichinoron a lo sud d'Europa en o Mesolitico. Defendeba que a raza mediterrania arribó en Europa en lo mesolitico, y que la raza Alpina arribó dende Europa oriental trescurzando Suiza poco dimpués que a raza mediterrania, pero tamién en tiempos mesoliticos. Més tarde a raza nordica suposatament haberba penetrato en Escandinavia dende l'este. A raza esteuropea habría entrato en europa oriental y central en tiempos recients.

A clasificación detallata d'os europidos d'alcuerdo con Von Eickstedt ye:

Estió talment o primer antropologo que clasificó con os caucasoides europeus a los lapons, feito que confirmoron os datos cheneticos d'os años 70-80 y modernament os haplogrupos. A consideración d'os morenos dolicocefalos u mesodolicocefalos como d'una mesma raza mediterrania diferent d'os royos europeus no ye d'alcuerdo con os datos cheneticos y os haplogrupos, que situan as poblacions europeas no laponas més chuntas entre ellas que con as d'Africa, Orient Meyo e la India, que tamién son muito a man cheneticament. Talment esto reflecte as ideyas d'una epoca en a que a sciencia y economía yera muito dominata por chents d'Europa Central y d'o norte, que se veyeban diferents d'os europeus d'o sud y superficialment no los distinguen guaire d'as poblacions d'Orient Meyo y norte d'Africa.

Referencias[editar | editar código]

Vinclos externos[editar | editar código]