Eduard Fernández

Eduard Fernández
L'actor catalán Eduard Fernández en una imachen de 2022 mientres a 14ena edición d'os Premios Gaudí.
Información personal
Nombre real	Eduardo Fernández Serrano
Calendata naiximiento:	25 d'agosto de 1964
Puesto naiximiento:	Barcelona (Barcelonés, Barcelona, Catalunya)
Ocupación:	Actor Actor de voz
Conchuche:	Esmeralda Berbel (1990-2015, esvurcio) Ainhoa Aldanondo (2017-, parella)
Fillos:	Greta Fernández
Premios Goya
Premio Goya a lo Millor Actor Revelación: -2000: Nominau por Los lobos de Washington Premio Goya a lo Millor Actor: -2002: por Fausto 5.0 -2005: Nominau por Cosas que hacen que la vida valga la pena -2006: Nominau por El método -2014: Nominau por Todas las mujeres -2017: Nominau por El hombre de las mil caras -2022: Nominau por Mediterráneo -2025: por Marco Premio Goya a lo Millor Actor Segundario: -2002: Nominau por Son de mar -2004: por En la ciudad -2011: Nominau por Biutiful -2015: Nominau por El Niño -2019: Nominau por Todos lo saben -2020: Nominau por Mientras dure la guerra

Eduardo Fernández Serrano (conoixiu por o suyo nombre artistico d'Eduard Fernández, naixiu lo 25 d'agosto de 1964 de Barcelona (Barcelonés, Barcelona, Catalunya), ye un destacau actor y actor de voz catalán, activo en o teatro y lo cine espanyol dende meyaus d'os anyos 1980 y con cuantos premios y nominacions recibius mientres a suya carrera artistica. Parella de l'actriz Ainhoa Aldanondo, ye pai de l'actriz Greta Fernández, encara que ye filla d'o suyo primer matrimonio.

Entre la suya filmografía, se pueden destacar as suyas interpretacions en bellas cintas como Los lobos de Washington (1999, Mariano Barroso), Son de mar (2001, Bigas Luna), El embrujo de Shanghai (2002, Fernando Trueba), Obaba (2005, Montxo Armendáriz), Alatriste (2006, Agustín Díaz Yanes), Tres dies amb la família (2009, Mar Coll), Pa negre (2010, Agustí Villaronga), La piel que habito (2011, Pedro Almodóvar), Todas las mujeres (2013, Mariano Barroso), Due uomini, quattro donne e una mucca depressa (2015, Anna Di Francisca), 1898: Los últimos de Filipinas (2016, Salvador Calvo), Mientras dure la guerra (2019, Alejandro Amenábar), u Los renglones torcidos de Dios (2022, Oriol Paulo).

Premios

Premios Goya

Eduard Fernández conta con una ampla serie de premios y nominacions en os Premios Goya, que se detallan de contino:

Premio Goya a lo Millor Actor Revelación

Recibió la suya primera nominación a un Premio Goya en a categoría d'o Premio Goya a lo Millor Actor Revelación en l'anyo 2000 por a suya actuación en Los lobos de Washington, dirichida por Mariano Barroso, en a 14^ena edición de ditos premios.

Premio Goya a lo Millor Actor

En l'anyo 2002 Eduard Fernández ganó un Premio Goya a lo Millor Actor por o suyo papel en a cinta Fausto 5.0, dirichida por Álex Ollé, Isidro Ortiz y Carlos Padrisa, en a 16^ena edición d'os Premios Goya.

En l'anyo 2005 fue nominau a lo mesmo premio por a suya actuación en Cosas que hacen que la vida valga la pena, dirichida por Manuel Gómez Pereira, en a 19^ena edición d'os Goya.

A l'anyo siguient, 2006, tornó a estar nominau a lo Goya a lo Millor Actor, en iste caso mientres a 20^ena edición d'os Premios Goya por o suyo papel en El método, una cinta dirichida por Marcelo Piñeyro.

Una vegada mas, tornó a estar nominau a lo mesmo premio en 2014 mientres a 28^ena edición d'os Goya por Todas las mujeres, cinta dirichida por Mariano Barroso.

Tres anyos dimpués, en 2017, encara tornó a estar nominau a iste mesmo premio, ista vegada por a suya interpretación en a cinta El hombre de las mil caras, dirichida por Alberto Rodríguez, en a 31^ena edición d'os Premios Goya.

A suya siguient nominación a lo Premio Goya a lo Millor Actor s'escaició en 2022, por a suya actuación en Mediterráneo, una cinta dirichida por Marcel Barrena, mientres a 36^ena edición d'os Goyas.

Ganó lo suyo segundo Goya a lo Millor Actor en l'anyo 2025 por a cinta Marco, dirichida por Jon Garaño y Aitor Arregi, en a 39^ena edición d'os Premios Goya.

Premio Goya a lo Millor Actor Segundario

En o Premio Goya a lo Millor Actor Segundario, recibió la suya primera nominación l'anyo 2002, mientres a 16^ena edición d'os Premios Goya, por a cinta Son de mar, dirichida por Bigas Luna.

En 2004 ganó lo suyo primer Goya en ista categoría por En la ciudad, una cinta dirichida por Cesc Gay, en a 18^ena edición d'os premios.

A tercera nominación d'Eduard Fernández s'escaició en 2011, cuan fue nominau en a 25^ena edición d'os Goyas, por o suyo papel en a cinta Biutiful, dirichida por Alejandro González Iñárritu.

Tornó a recibir una nueva nominación a lo Goya a lo Millor Actor Segundario l'anyo 2015 por a suya actuación en a cinta El Niño, dirichida por Daniel Monzón, en a 29^ena edición d'os Premios Goya.

A suya siguient nominación estió en l'anyo 2019 mientres a 33^ena edición d'os Goyas, cuan lo nominoron a iste premio por a cinta Todos lo saben, dirichida por Asghar Farhadi.

Encara tornó a ganar o Goya a lo Millor Actor Segundario en a 34^ena edición d'os Goyas en l'anyo 2020 por o suyo papel en Mientras dure la guerra, una cinta dirichida por Alejandro Amenábar.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Eduard Fernández.

Vinclos externos

• Se veigan as imáchens de Commons sobre Eduard Fernández.
• (en) Eduard Fernández en Internet Movie Database.

• Datos: Q1224788
• Multimedia: Eduard Fernández (actor) / Q1224788