Edgar de Wahl

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Edgar de Wahl
Información personal
Calendata de naixencia	11 d'agosto de 1867
Puesto de naixencia	Olviopol, Imperio Ruso
Calendata de muerte	9 de marzo de 1948
Puesto de muerte	Tallinn, URSS
Ocupación	Lingüista y profesor
Obras	Interlingue

Edgar von Wahl (tamién clamau Edgar de Wahl - Olviopol, Imperio Ruso, actual Ucraína, 11 d'agosto de 1867 - Tallinn, URSS, actual Estonia, 9 de marzo de 1948) estió lo creyador d'a luenga auxiliar internacional clamata occidental u interlingue.

De Wahl fue educau en Sant Petersburgo y voluntariament completó lo servicio militar en l'Armada Imperial Rusa. En 1894, se mudó a Tallinn, an vivió cuasi la resta d'a suya vida. Treballó como mayestro d'escuela, dando clases en cuantas escuelas de Tallinn. Dinantes y entre la Primera Guerra Mundial, tamién estió conseller d'a ciudat de Tallinn.

Edgar de Wahl s'adedicaba a la lingüistica como pasatiempo, no la heba estudiau y no feba treballo profesional como lingüista. L'interés de De Wahl per las luengas, y especialment per las luengas artificials, surtió ya cuan estudió en Sant Petersburgo. Prencipió como defensor d'o volapük y dimpués emparó o esperanto, estando un d'os primers esperantistas. En o zaguer decenio d'o sieglo XIX, manimenos, prencipió la busqueda d'un nuevo idioma internacional ideyal, que en 1922 plegó a la introducción d'un idioma clamau "occidental" y, en particular, la publicación d'a revista Kosmoglott, que teneba la intención de promover l'idioma.

Alemán etnico, De Wahl renunció a la oportunidat de tresladar-se ta Alemanya en 1939, se quedó en Estonia y fue levau a lo hespital psiquiatrico de Seewald entre la ocupación alemana. En 1945, mientres yera en un hespital psiquiatrico, escapó per poco d'a deportación y murió allí en 1948.

En 1949, l'idioma que creyó estió renombrau interlingue, y con este nombre encara se conoixe prencipalment hue en día.

Publicacions

• Edgar von Wahl. Flexion und Begriffsspaltung. – Linguist 1896, nr 10.
• Edgar von Wahl. Ausnahmen. – Linguist 1897, nr 3.
• Edgar de Wahl. [Idiom neutral reformed]. – Progres 1906, nr 6.
• Julian Prorók. Ketzereien: Keimzellen einer Philosophie. Tartu, Leipzig 1906.
• Edgar de Wahl. AULI = Auxiliari lingue International. – Discussiones 1909, nr 1-2.
• Edgar de Wahl. Li leges de derivation en verbes. - Lingua Internationale 1911, nr 1.
• Edgar von Wahl. Kaiserlicher Estländischer See-Yacht-Club: historische Übersicht 1888-1913. Tallinn 1913.
• Edgar de Wahl. Qual instructiones da nos li historie de lingue universal. – Kosmoglott 1922, nr 1, lk 6–8.
• Edgar de Wahl. Radicarium directiv del lingue international (occidental): in 8 lingues. Tallinn 1925.
• Edgar de Wahl. Interlinguistic reminiscenties. – Cosmoglotta 1927, nr 41, lk 54–64.
• Edgar de Wahl. Occidental: gemeinverständliche europäische Kultursprache für internationalen Verkehr: Begründung, Grammatik, Wortbildung, vergleichende textproben. Tallinn, Viin 1928.
• Edgar de Wahl, Otto Jespersen. Discussiones inter E. de Wahl e O. Jespersen. Chapelle 1935.
• Edgar de Wahl. Spiritu de interlingue. Cheseaux/Lausanne, 1953.