Ducau de Benavent

	Ducau de Benavent; Ducau di Benevento
	Situación de
Capital	Benavent
Idioma oficial; • Atros idiomas	Latín; Luengas italorromanicas
Duque; • 1077; • 571	; Zotto; Landulfo VI
Periodo historico	Alta Edat Meya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Ducau de Benavent estió o territorio controlato por os longobardos situato mes a lo sud en a Italia medieval. Yera centrato en a ciudat de Benavent. En la practica estió un territorio independient d'o Reino d'os Longobardos, de fueras d'os reinatos dende Grimoals dica Liutprand.

O ducau fue fundado en 576, encara que d'alcuerdo con atras fuents os longobardos i poderban haber plegato arredol d'o 590. O primer duque estió Zotto y encara que rindió sumisión a los estatos d'o norte, fue sucedito por o suyo sobrín Arechis e o cargo esdevinió hereditario.

En os suyos primers anyos, o ducau s'expandió territorialment en territorio de l'Imperio Bizantín, prenendo Capua e Crotona, encara que no consiguió fer-se con Nápols. O duque de Benavent, Grimoald, se fació con a cadiera reyal d'o reino longobardo en 662 iniciando una dinastía benaventiana de curta duración en ixe reino. En 663 a ciudat fue asitiata por os bizantins de l'emperador Costancio II pero fue esfendita por o suyo d'o rei, Romualdo I que amés consiguió destruir a flota bizantina. En l'anyo 680 os dos firmoron un tractau de paz. Alavez o principal enemigo estió o mesmo Reino d'os Longobardos d'o norte. Liutprand intervinió a sobén en o ducau pa imposar os suyos candidatos a duque, En l'anyo 758 Desiderio d'Istria prenió o ducau por poco tiempo, pero a conquiesta d'o reino longobardo por parte de Carlos Magno en 774 posó fin a estas disputas pa cutio.

En o "Libro d'el Trasoro" lo mencionan en relación a la intervención de Carlos Magno en Italia a favor d'o Papa Adrián I:

apres la muerte de Adrian, fue en silias por los romanos, Carlo lo tornó a Roma en su dignjdat, e la ora confermo el lo que los padres aujan feyto, e stablio todo lo que a la necesidat de la Santa Eglesia e del jmperio e de los clerigos e de leyes e dio a Senyor Sant Pedro el ducado de Spolite e de Benauent