Dryopteris filix-mas

*Dryopteris filix-mas*
Dryopteris filix-mas
Denominacions populars
felce masclo, feleguera masclo
Clasificación cientifica
Reino:	Plantae
División:	Monilophyta
Clase:	Filicopsida
Orden:	Polypodiales
Familia:	Dryopteridaceae
Chenero:	Dryopteris
Especie:	Dryopteris filix-mas

O felce masclo^[1] u feleguera masclo^[1] (nombre cientifico Dryopteris filix-mas) ye una especie de felce d'o chenero Dryopteris y d'a familia Dryopteridaceae.

Descripción morfolochica

Ye un arbusto que puet plegar a mesurar bels 50 cm d'alzada. A suya radiz sale d'o rizoma, que ye meyo soterrau, y s'implanta superficialment en o solero d'a selva. O tallo presenta una forma erecta en forma de rizoma que sirve de base d'a planta. Respecto a las fuellas, d'o tallo en salen de dos en dos (bipinnadas); puet plegar a haber-ie entre 20 y 35 pinnas. Tien dos formas vitals u de Raunkjaer, como esporofito y como gametofito. No presenta organos reproductors en a fase d'o ciclo vital que veyemos, a d'o esporofito, que ye a fase diploide. Mientres a suya fase haploide, produce gametos masculins y femenins, pero en dengún momento s'observa dengún organo reproductor en a planta: no presenta androceu ni chineceu. Ye una planta que no tien flors ni tampoco no fa dengún fruito. A deseparación de sexos se da en a fase haploide.

Ecolochía

Predomina en selvas humidas y pacins. A maduración d'as esporas se fa entre agosto y noviembre, cuan l'indusio prencipia a ixecar-se, aduyando a una millor dispersión d'as esporas.

Toxicidat

Mientres o día que s'ha incheriu o felce, no se puet beber alcol ni consumir aceite. En dosis mas altas produce nausias, vomecatizos y diarreas. En a intoxicación por sobredosi se produce, amás, ictericia, albuminuria, debilidat muscular y convulsions. No ye recomendable fer uso d'o remeyo por qui tien anemia, gastritis, úlcera gastroduodenal u cardiopatías.

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Vinclos externos

Datos: Q322994
Multimedia: Dryopteris filix-mas / Q322994
Especies: Dryopteris filix-mas

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]