Downhill Racer

Downhill Racer
Títol	Downhill Racer
Ficha tecnica
Dirección	Michael Ritchie
Aduyant de dirección	Walter Coblenz Kip Gowans
Dirección artistica	Ian Whittaker
Producción	Richard Gregson
Guión adaptau	James Salter
Basau en	The Downhill Racers, novela d'Oakley Hall (1963)
Musica	Kenyon Hopkins
Soniu	Elden Ruberg Kevin Sutton
Fotografía	Brian Probyn
Montache	Richard A. Harris
Vestuario	Edith Head
Maquillache	Bill Lodge
Efectos especials	Roy L. Downey
Actors	Robert Redford Gene Hackman Camilla Sparv Karl Michael Vogler Jim McMullan Kathleen Crowley Dabney Coleman Kenneth Kirk Oren Stevens Jerry Dexter Rip McManus
Color	Technicolor
Datos y cifras
País(es)	Estaus Unius
Anyo	1969
Estreno	28 d'octubre de 1969 Reno (Nevada, Estaus Unius)
Chenero(s)	Cine de drama Cine d'esportes
Durada	101 min.
Idioma(s)	Anglés Alemán Francés
Companyías
Productora(s)	Wildwood
Distribución	Paramount Pictures
Estudio(s)	Paramount Studios
Presupuesto	1,8 millons de dólars
Recauto	1,9 millons de dólars
Informacions en bases de datos especializadas:

Downhill Racer (títol orichinal en anglés, en aragonés Corredor cara abaixo, estrenada en Aragón con o títol en castellano d'El descenso de la muerte, en aragonés O descenso d'a muerte) ye una cinta de cine estausunidense de cine de drama esportivo estrenada l'anyo 1969, dirichida por Michael Ritchie seguntes un guión adaptau por James Salter (basau en The Downhill Racers, una novela publicada por Oakley Hall en l'anyo 1963), con una banda sonora orichinal de Kenyon Hopkins, una dirección de fotografía de Brian Probyn y una producción cinematografica de Richard Gregson ta la productora cinematografica Wildwood. De l'elenco d'actors d'a cinta en fan parte, entre d'atros, Robert Redford, Gene Hackman, Camilla Sparv, Karl Michael Vogler, Jim McMullan, Kathleen Crowley, Dabney Coleman, Kenneth Kirk, Oren Stevens, Jerry Dexter y Rip McManus.

David Chappellet ye un esquiador estausunidense que plega enta Suiza chunto con o tamién esquiador DK Bryan ta incorporar-se a l'equipo d'esquí d'os Estaus Unius ta substituyir a Tommy Herb, o millor esquiador de l'equipo, que s'ha lesionau. Procedent d'Idaho Springs (Colorado) ye obsesionau por convertir-se en un esquiador d'elite, sin mostrar garra intrés en a labor d'equipo. Asinas, son coinstants as suyas queixas por competir en posicions tardanas porque l'estau d'a pista se deteriora con cadaguno d'os corredors, dica lo punto de negar-se bella vegada a competir. Cuan fa la suya partecipación efectiva, en l'Arlberg-Kandahar en Austria, queda cuatreno en a clasificación, un magnifico resultau. Dimpués d'una gran temporada, en a zaguer competición en a ciudat de Kitzbühel en Austria, s'estrela. En tornar enta la suya cada en Idaho Springs, troba la indiferencia de su pai, que no veye garra intrés en ixo de l'esquí, a la vegada que él mesmo amuestra la suya falta d'empatía con a suya antiga novia. En prencipiar a temporada en Francia, prencipia a ganar competicions y contacta con él un fabricant d'esquís ta que en faga publicidat, pero amuestra mas intrés por l'aduyant d'o director d'a fabrica, que converte en a suya amant. Remata la temporada con cuantas victorias, asegurando-se la suya futura participación en os Chuegos Olimpicos d'hibierno con l'equipo estausunidense, pero deixando en os suyos companyeros a impresión de que sigue sin preocupar-se de l'equipo ni d'atra cosa que no sía él mesmo. Amán d'a celebración d'os Chuegos, Chappellet reta a un companyero de l'equipo olimpico, lo suyo millor corredor, y como resultau iste padeixe un accident y no puet competir, quedando como lo millor posicionau ta ganar o mesmo Chappellet.

A cinta s'ambienta en a suya epoca actual (1969) en Idaho Springs (Colorado) en os Estaus Unius y en localizacions de Suiza (incluyindo-ie Mürren, Wengen y Zúrich), Francia (incuyindo-ie Megève) y Austria (incluyindo-ie Kitzbühel), y las suyas escenas se filmoron en Kitzbühel y Sankt Anton am Arlberg (Tirol) en Austria, Megève (Alta Saboya) y Grenoble (Isèra) en Francia, Wengen (cantón de Berna) en Suiza y Boulder y Idaho Springs (Colorado) en os Estaus Unius, amás d'en os Paramount Studios en Los Angeles en California, tamién en os Estaus Unius.

Downhill Racer ha recibiu bels premios y nominacions, en destacando un Premio BAFTA a o Millor Actor en 1971 mientres a 24^ena edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 1969.
• Cintas de 1969.

Vinclos externos

• (en) Downhill Racer en Internet Movie Database.
• (en) Downhill Racer en l'American Film Institute Catalog de l'American Film Institute.
• (en) Downhill Racer en Rotten Tomatoes.
• (en) Downhill Racer en TCM Movie Database.

• Datos: Q3208257