Dipylidium caninum
| Dipylidium caninum | |
|---|---|
 | |
| Denominacions populars | |
tenia de can | |
| Estau de conservación | |
| Clasificación cientifica | |
| Animalia | |
Filo: |
Platyhelminthes |
| Rhabditophora | |
| Neodermata | |
| Cestoda | |
| Cyclophyllidea | |
| Dipylidiidae | |
| Dipylidium | |
| D. caninum | |
| Descripción | |
Dipylidium caninum Carl von Linné, 1758 | |
A tenia de can[1] (nombre cientifico Dipylidium caninum) ye una especie de platihelminto d'a clase Cestoda. Es parasito de os canidos y os felidos en cheneral, asinas como d'a resta d'animals que ahuespan pulgas, mas que mas d'as especies Ctenocephalides canis y Ctenocephalides felis, ye decir, as pulgas comunas d'o can y o gato, respectivament, y mas rarament a Pulex irritans, a pulga de l'hombre, u o pegollo canino Trichodectes canis.
Iste parasito yera ya conoixiu por os antigos babilonios y fue clasificau cientificamente por Linné en 1758, con o nombre de Taenia canina.[2] O primer estudio sobre o suyo ciclo reproductivo fue reyalizau por l'albéitar francés Maurice Neveu-Lemaire en 1893.
Características
[editar | modificar o codigo]O cuco en a suya forma adulta mide entre 15 y 70 centimetros de largaria por 2,5 a 3 milimetros de diametro y tien una coloración que varía entre o blanco y l'amariello claro. O cuerpo consta d'una cabeza a on se troba o escólex, que mide 0,37 milimetros, gran parti d'ella ye formada por un rostelo retráctil, dotau de minusclos ganchos, repartius en 4-7 filas de filamentos, con os que o parasito se pencha d'a paret intestinal d'o huespede definitivo. O cuco ye dividiu en segmentos u proglotidos, en cada proglotido se troban dos gonadas, masculina y femenina, por lo que os cucos son hermafroditas. Cada individuo presenta de 60 a 175 proglotidos. Os proglotidos presentan una forma ovoidal larguda con una largaria de bels 12 milimetros por una amplaria de bels 2,7 milimetros, y contiene agrupacions de capsulas que tienen en o suyo interior de 25 a 30 uevos. Os huevos miden de 35-60 micras.[3]
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Feline clinical parasitology, Dwight D. Bowman, Charles M. Hendrix, David S. Lindsay, Stephen C. Barr, Wiley-Blackwell, 2002, pach. 206
- ↑ (en) Veterinary clinical parasitology, A. Zajac, Gary A. Conboy, Margaret Wragg Sloss, American Association of Veterinary Parasitologists, pach. 56
| Control d'autoridaz |
|
|---|
Datos: Q81125
Multimedia: Dipylidium caninum / Q81125