Diocesi d'Albarrazín (medieval)

De Biquipedia
Ir a la navegación Ir a la búsqueda
Diocesi d'Albarrazín
Dioecesis Albarracinensis
Diocesi d'Aragón
Capital Albarrazín
Entidat
 • Provincia
Diocesi
Zaragoza
Seu bispal Seu d'o Salvador
Fundación 1172 u 1173
Desaparición 1259

La Diocesi d'Albarrazín estió una diocesi que existió dende l'anyo 1172 u 1173 dica l'anyo 1259, quan fue fusionata a la diocesi de Segorb esdevenindo la Diocesi de Segorb-Albarrazín. Las poblacions orichinals d'esta diocesi estioron Albarrazín, Bezas, Bronchales, Calomart, Fridas d'Albarrazín, Griegos, Guadalaviar, Chabaloyas, Monterd, Moscardón, Noguera, Oriuela, Pozondón, Royuela, Saldón, Terrient, Toril, Masegoso, Torres d'Albarrazín, Tramacastiella, Val Longuiello, Villar d'el Cobo, Huélamo y Motos, y en 1210 s'ixampló por conquiesta con Ademuz, Alobras, Castiel Fabib, Lo Cuervo, Tormón, Pina, Santa Cruz de Moya y Vallanca.

La erichioron en 1172 sobre lo territorio de la Senyoría d'Albarrazín, con lo nombre de Alcabrizense, nombre que duró 3 anyatas. Dimpués li posoron lo nombre de Segobricense y Santa María de Albarracino. En 1173 fue erichita propiament, quan lo suyo segundo bispe, Don Martín, fue consagrato (lo primero, Don Ferrando no plegó a ser-ne). La enchaquia d'existencia d'este bispato y seu bispal estió que Albarrazín alavez yera una senyoría independient protechito por lo rei de Navarra pero independient de Castiella y Aragón. La creyación d'ixe bispato, en contra de los intreses de lo bispato de Zaragoza aturó que la senyoría d'Albarrazín s'adibise a Aragón, y favoreixió los intreses de la dinastía local de los Azagra, que quereban mantener-sen como sinyors independients. D'ixa traza la Senyoría d'Albarrazín no s'incorporó a lo reino de Navarra y estió dimpués un estato chicot entre Castiella e Aragón, con un dificil equilibrio cheopolitico.

Tot ixo a tamas de la Bula d'Hadrián IV en 1158 que confirmaba que Sanctam Mariam de Berrazin perteneixeba a la Diocesi de Zaragoza y en yera una muga, que lo 19 de chinero de 1172 lo Papa Aleixandre III ordenase a Pero Ruíz d'Azagra que posase en mans de lo bispe de Zaragoza las ilesias de la ciudat d'Albarrazín, y que lo 24 de chinero ordenase a lo bispe de Pamplona que lo excomulgase si no lo feba.

Zaragoza y Toledo, y dica Tarragona, luitoron por la posesión sufragania d'esta diocesi, pero estió l'arcebispe de Toledo, don Cerebruno, con l'aprobación de lo Cardenal Chacinto Orsino, legato d'Aleixandre III, que la fació sufragania dende la suya eslección.

Lo día 18 de marzo lo papa Aleixandre decretó en Anagni con una bula la unión de las ilesias d'Albarrazín y de Segorb, con lo que naixió la diocesi d'Albarrazín-Segorb.