Descusión:Participio present en aragonés

Contenido de la página no disponible en otros idiomas.
De Biquipedia

Participios activos de present en os verbos en -uir[modificar o codigo]

He trobau una forma en -ient derivata d'un verbo en -uir. En a pachina 113 d'o libro de procesos de cortz de Teruel de 1427-1428, en un texto adrezau a lo rei por os monches d'o Monesterio de Piedra:

firmado por el dito senyor don abbat constituyent sobredito
Lo que soi pensando agora ye que en verbos freqüents d'este conchunto en textos en aragonés como constituir y contribuir si que cabe esperar-se de trobar participios activos en -ient como constituyent en aragonés meyeval, pero en verbos que no se gosan escribir por haber-ie verbos patrimonials cubrindo o suyo campo semantico no sería probable de trobar-mos-ne. Si fluir no s'escribiba guaire ye porque bi habría atros verbos tipo regallar, correr, ecetra, y si s'ha d'escribir un neolochismo sería prenendo dreitament a voz latina con -UE-, ye por ixo que creigo que sería més esperable trobar-se afluent, influent, ecetra, d'egual traza que como no se diz guaire presidir tampoco s'escribiría un participio d'este verbo en -ient.--EBRO 11:11 18 chun 2011 (UTC)[responder]
Yo diría que o participio d'o verbo sí que se fería con -ient... o que pasa ye que si ya ye un sustantivo que no s'identifica como participio, y se prendrá dreitament d'o latín. Asinas afluent que ye sustantivo ye posible que vaiga sin -i- por ixo, pero influent, que ye adchectivo lo veigo mas raro, porque como adchectivo, sí que creigo que se fería con a formación "regular" d'os participios de present d'a tercera conchugación (-ient).--Juan Pablo 11:58 18 chun 2011 (UTC)[responder]
Veigo que m'entendetz o que quiero dicir. O dificil será veyer a muga entre os dos casos, egual o verbo influyent estaría en un conchunto diferent a lo d'afluent. Sera qüestión d'ir mirando exemplos.--EBRO 13:45 18 chun 2011 (UTC)[responder]