Descusión:Chudeoaragonés

Si, entiendo o criterio d'escribir Europea seguindo o criterio provisional de l'academia, y estando que ye un cultismo a diferencia d'Urreya. O problema con Evrea / Evreya ye que tenemos o toponimo Ebreya en a provincia de Zaragoza, (encara que tamién ye un tema discutible a suya etimolochía y l'orichen moriago de qui se feba nombrar de Ebreya, en a forma d'escribir d'os moriagos amanexeban vocals epenticas que no se sabe cuan yeran reyals u purament ortograficas).--EBRO 10:29 9 abr 2010 (UTC)

No, Ebro, ye que l'articlo que enlazas como Luengas indo-europeas se diz encara Luengas indo-europeyas, igual que tenemos Unión Europeya y quantos más. En ixe contexto, si sacas a y epentica d'una palabra cal sacar-la tamién de todas as atras, ta mantener a coderencia en l'emplego de solucions lingüisticas en un articlo. Una atra cosa sería de mantener indoeuropeyas; alavetz podrías haber puesto hebreyas: si as solucions son coderents no bi ha problema. Ye igual que con a ortografía (no puet haber-ie en un mesmo articlo dos ortografías, ortografía 2007/2010), con l'emplego de o/lo o con a grafía Uesca (agora 2010)/grafía SLA: son solucions alternativas, una u atra, pero mai as dos á la vegata. --Manuel Trujillo Berges 11:33 9 abr 2010 (UTC)