Descusión:Bielsa

Per manca d'una ortografía prou consesnuata en l'aragonés, que sines de grauches ta belas d'as fablas locals, permeta de representar bels d'es sonitos orichinals d'o riquismo bagache fonetico d'a nuestra fabla, s'ha prebato d'alzar en esta pachina una ortografía singular e desmarcada d'a una regular, ta representar més fidelment posible o batir d'una d'as nuestras més unicas bariedaz; a fabla de Bielsa.

Ortografía d'a edizión de l'articlo

As particularidaz ortograficas d'ista ortografía son:

l·l (Eles cheminucas): O sonito consonant tipico d'a fabla belsetana ta ra l deribatas d'll d'o latín, propuesto á riel de l'emprego d'una grafía semilar en o catalán, en o cual mutos charrars encara en conserban ixa traza, més que no en l'aragonés. (O punto s'aconsigue picando mayuscla + 3 en un teclato regular).
nn: A dople n preba d'amostrar a prenunziazión d'una n més intensa.
è: O sonito tipico d'as es (¿bocal neutra?) cuan quedan dezaga d'una bocal més zarrada, sía una i ó una u formando diptongo. Ye bastant común en es altros dialeutos d'o Sobrarbe. En l'articlo ye marcato è (azentuata) cuan a silaba ye tonica, y ê (con circumflexo) cuan a silaba á on se troba ye una atona. P.ex; sièmpre contra de BergüêSEra. Asinas, è y ê son equibalenz á ro fonema /æ/.
ô: O sonito que adotan determinadas o cuan se troban en silaba atona immediata á una tonica: Arañônet /a.ra.ñu.NÉ /, u bien cuan son a prenzipio d'a parola: Ordizeto /Urdizeto/, á on a letra o adota un sonito més reblato ent'a u, anque no de tot. Ye confuso, anque s'obserba en altros charres aragoneses. Puet comparar-se con o sonito d'o digrafo bocalico "ou" d'a luenga franzesa.
Contraizión d'as preposizions cuan son seguitas d'artclos á on se fa patent l'aparizión d'uno d'es anteriors digrafos: del·las (de+las), tal·las (ta+las), ál·las (á+las), ennas (en+las), etz.

Istas son as primeras que m'han acudito, talment combendriba enzatar o tema de consolidar a ortografía Biquipediana d'una vegada, no només ta dialeutos concretos. --Lascorz (Ent'abant.) 03:20, 2 chunio 2007 (UTC)