Depiladera

Una depiladera^[1] ye un chicot electrodomestico usau pa depilar-se eliminando mecanicament o vello, prenendo multiples pels a la vegada y rancando-los. A forma en que as depiladeras rancan o pel ye pareixida a la cera, pero a esferencia d'a cera, no sacan celulas d'a piel. As depiladeras pueden emplegar un motor electrico u estar manuals con un muelle. Tamén pueden venir con cuantos accesorios, como una cabeza mas chicota pa aduyar con a depilación d'arias de dificil acceso, u una cabeza de exfoliación que puet aduyar a exfoliar a piel antis y dimpués d'a depilación.

L'uso d'a depiladera puet estar doloroso pa muitas personas ya que, igual que con a cera, implicar rancar o pel de radiz. Ya que a primera depilación d'una zona con a depiladera gosa fer prou mal, bellas personas s'estiman mas de fer-se primero una depilación con cera, pa dimpués emplegar a depiladera cuan os pels tornan a creixer. A forma mas recomendable de depilar-se con depiladera sin dolor ye ruixar-se a zona con augua calient entre 15 y 20 minutos antis d'a depilación.^[2] A dolor d'a depilación se puet mitigar a vegadas baixando a velocidat d'a maquina, relaxando a piel con un banyo u ducha calient u emplegando bel anestesico topico en a piel antis d'a depilación.