Darmstadt

	Darmstadt
	Gran ciudat independient d'Alemanya
	; Luisenplatz
País; • Estau; • Rechión; • Districto	Alemanya; Hesse; Darmstadt; Ciudat independient
Superficie	122,11 km²
Población; • Total; • Densidat	; 153166 hab. (2015); 1.226 hab/km²
Altaria; • Meyana	; 144 m.
Codigo postal	64283–64297
Coordenadas	49°52’ 0’’N 8°39’ 0’’E
	Darmstadt Darmstadt en Alemanya
	Web oficial

Darmstadt ye una ciudat de Alemanya localizata en a rechión administrativa de Darmstadt, en o estato de Hesse. En 2013, a población yera de 149.743 habitants.

L'elemento quimico Darmstadtio (110) fue descubierto en ista ciudat en 1994 (n'o Gesellschaft für Schwerionenforschung, GSI) y leva o suyo nombre en honor a ista ciudat dica l'anyo 2003.^[1]

Darmstadt tien o titol oficial de Ciudat d'a Ciencia (en alemán: Wissenschaftsstadt), ya que ye un important centro d'institucions scientificas, universidatz y interpresas d'alta tecnolochía. A Organización Europea pa a Explotación de Satelites Meteorolochicos (EUMETSAT) y o Centro Europeu d'Operacions Espaciales (ESOC) son ubicaus en Darmstadt, asinas como o Centro GSI pa a Investigación de Ions Pesaus, an quantos elementos quimicos como o bohrio (1981), meitnerio (1982), hassio (1984), darmstadtio (1994), roentguenio (1994) y copernicio (1996).

A Mathildenhöhe, incluyida a colonia d'artistas de Darmstadt, un important centro d'o movimiento artistico Jugendstil, se refiere tanto a la colla d'artistas activos en a ciudat en zaguerías d'o sieglo XIX y prencipios d'o XX, como a los edificios que disenyoron, de conchunta con a Capiella rusa, estió reconoixida como Patrimonio d'a Humanidat per a UNESCO en 2021.

Darmstadt estió a capital d'un país independient (o Gran Ducau de Hesse) dica 1871 y a capital de l'estau alemán de Hesse dica 1945.

Darmstadt tien tres universidatz: Technische Universität Darmstadt, Hochschule Darmstadt y Evangelische Fachhochschule. En total Darmstadt auespa mas de 30.000 estudiants en una población de 150.000 habitants.

Etimolochía[editar | modificar o codigo]

L'orichen d'o nombre Darmstadt no ye claro. A mención mas antiga que se conserva de l'asentamiento baixo lo nombre de Darmundestat proviene d'o sieglo XI, quantos sieglos dimpués d'a fundación de l'asentamiento. Os intentos d'explicar l'orichen d'o nombre son muit diferents:

A prensa local prefiere a explicación de que Darmstadt estió l'asentamiento fortificau d'un rei clamau Darimund.
Unatra interpretación veye lo nombre como una derivación d'os termins "darre" pa puerta u obstaclo y "mund" pa protección, per lo que Darmundestat sería un asentamiento en un pasache fortificau.
Unatra derivación quiere reconoixer a radiz celta d'a palabra "dar" pa caixico y "mont" pa montanya.
Amás, se son fendo intentos pa veyer l'orichen d'o nombre en Darmbach. Seguntes ista teoría, Darmstadt sería o puesto d'o barranco (Dam-unda-stat) u o puesto de l'arrigachuelo d'o saso (Darm-unda-stat). Manimenos, lo que fabla en contra d'ista tesi ye que, seguntes as conoixencias actuals, o Darmbach estió clamau con ixe nombre mas tardi.