Custodio Peñarrocha Llavador
| Custodio Peñarrocha Llavador | |
|---|---|
| 7 d'aviento de 1936 – abril de 1937 | |
| President | Joaquín Ascaso Budría |
| Gubierno | Gubierno Ascaso |
| Succediu por | Conrado Dieste Conde |
| Naiximiento | 27 de noviembre de 1911.svg){kind=small} Valencia (País Valenciano, Espanya) |
| Muerte | 17 de chinero de 1970 Granada (Andalucía, Espanya) |
| Partiu | PCE |
| Atras afiliacions politicas | UGT |
| Conchuche | Libertad Mingorance |
| Profesión | Musico, politico y sindicalista |
Custodio Peñarrocha Llavador (Valencia, País Valenciano, 27 de noviembre de 1911 - Granada, Andalucía, 17 de chinero de 1970) estió un musico, politico y sindicalista valenciano, consellero d'Industria y Comercio d'o Consello Rechional de Defensa d'Aragón.
Biografía
[editar | modificar o codigo]Naixiu de Valencia, estió profesor y catedratico de Fisica y Quimica en os institutos de Chaca (1933-1936) y Casp (1936-1937)[1]. Amás estió concellero en o Concello de Chaca representando a o Frent Popular, estando o 10 de mayo de 1936 agrediu por un mando militar en dita ciudat.
En producir-se o golpe d'estau y esclatar a Guerra Civil Espanyola eslampa ta Balbastro a on ye nombrau o 31 d'agosto de 1936 delegau por Balbastro en o comité provincial d'a UGT. Dimpués s'alistará en as milicias aragonesas que yeran luitando en o frent de Boltanya.
En aviento de 1936, ya en Casp, ye nombrau consellero d'Industria y Comercio d'o nuevo gubierno d'o Consello Rechional de Defensa d'Aragón en representación d'o PCE, cargo que ocupará dica abril de 1937.
Cuasi en rematar a guerra, en marzo de 1939 fue feito preso en o puerto d'Alicant cuan miraba d'eslampar en barco a l'exilio chunto a la suya muller, Libertad Mingorance. Chuzgau en Chaca o 29 d'aviento de 1941, en primeras ye condenau a muerte[2], pero dimpués a pena le ye conmutada y ye engarcholau en Burgos dica l'anyo 1953 cuan ye liberau y marcha con a suya familia ta Granada a on morirá o 17 de chinero de 1970.
Referencias
[editar | modificar o codigo]- ↑ (es) Los institutos de Jaca, Barbastro y Caspe durante la II República. Mariano Amada Cinto.
- ↑ (es) Nombres de una guerra en la villa de Sariñena. Os Monegros
Vinclos externos
[editar | modificar o codigo]- (es) Custodio Peñarrocha Llavador en Con Nombre & Apellidos
- (es) Custodio Peñarrocha Llavador en buscar.combatientes.es
- (es) Expo Consejo de Aragón
| Predecesor: Degún |
Consellero d'Industria y Comercio d'o Consello Rechional de Defensa d'Aragón 7 d'aviento de 1936 - abril de 1937 |
Succesor: Conrado Dieste Conde |