Cul de Crabioles

De Biquipedia
Ir a la navegación Ir a la búsqueda
O cubilar de Malpás con o cul de Crabioles y o Grand Quayrat en dezaga

O cul de Crabioles (en francés cirque des Crabioules) ye un cul d'os Pireneus situau en o departamento de l'Alta Garona en a rechión d'Occitania (Francia). Domina la val de Lis.

Toponimia[editar | modificar o codigo]

O toponimo benasqués de Crabioles y gascón de Crabieues fa referencia a un puesto a on se troban crabas.

Cheografía[editar | modificar o codigo]

O cul se troba a o fundo d'a val de Lis y ye rodiau d'ueste a este por o Petit Quayrat u mont Arrouy (2.847 m), o Grand Quayrat (3.060 m), o pico Lézat (3.107 m), a tuca de Crabioles (3.116 m) y a tuca de Malpás (3.109 m).

Baixo o suyo canto occidental se troba l'ibón de Crabioles (2.590 m) y baixo l'oriental l'ibón d'Enfer (2.430 m) chunto a o cubilar de Malpás.

Vías d'acceso[editar | modificar o codigo]

Dende tierra plana, se i puet acceder a piet por un sendero a traviés d'a val de Lis.

O cul de Crabioles comunica con Aragón a traviés d'o cuello de Crabioles, situau a más de 3.000 metros d'altaria entre as tucas de Crabioles y de Malpás. Por o costau francés, l'acceso a iste cuello ye dificil si encara bi ha chelo (presencia de cheleras prou enclinadas). Dende Aragón, se i plega dreitament por o sudeste vía la crencha y o cul de Remunye.

Se veiga tamién[editar | modificar o codigo]