Cul de Cotatuero

De Biquipedia
Ir a la navegación Ir a la búsqueda
Cul de Cotatuero dende punta Acuta

O cul de Cotatuero ye un cul pirenenco situau en a val d'Ordesa, fendo de muga entre os municipios de Torla-Ordesa y Fanlo. Se tracta d'un chicot cul lateral formau por a chelera que cubriba a val en o Quaternario.

Se troba adintro d'o Parque Nacional d'Ordesa y d'as Tres Serols y ye destín popular entre os excursionistas que se i amanan. A traviés d'o cul y dimpués de trescruzar a ribereta de Cotatuero, fluye o salto d'augua de Cotatuero formau por o barranco d'o mesmo nombre, afluyent d'o río Arazas y que naixe a os pietz d'o Tozal d'a Plana (2.624 m) y a breca de Roldán. Iste salto d'augua ye, con una cayida de dica 200 metros, o mas alto d'o Parque Nacional y un d'os mas altos d'Espanya.[1]

Puyando por as paretz d'o cul ye posible acceder dica os plans de Millaris y dende aquí endrezar-se enta o cubilar de Góriz u picos como a punda de ro Corral Ciego (3.006 m), a punda de ro Faixón (3.009 m) u a punda de ro Espaldador (3.075 m).

Claviellas de Cotatuero[editar | editar código]

Ta pasar a muralla vertical que zarra o cul cal puyar por as claviellas de Cotatuero, instaladas en 1881 por o ferrero Bartolomé Lafuente y Miguel Bringola, dos habitants de Torla, a requesta d'un cazataire anglés dito Buxton.

En o suyo orichen yeran 33 as claviellas que bi heba. En l'actualidat son 45 y se troban perfectament equipadas ta la escalada.

Referencias[editar | editar código]

Vinclos externos[editar | editar código]