Ir al contenido

Cromwell (cinta)

De Biquipedia
Iste articlo ye sobre una cinta de cine de drama historico biografico de cine britanico de 1970; ta atros usos, se veiga Cromwell.
Cromwell
Títol Cromwell
Ficha tecnica
Dirección Ken Hughes
Aduyant de dirección Ted Sturgis
Dirección artistica Herbert Westbrook
Producción Irving Allen
Disenyo de producción John Stoll
Guión orichinal Ken Hughes
Musica Frank Cordell
Fotografía Geoffrey Unsworth
Montache Bill Lenny
Escenografía Emilio Ardura
Vestuario Vittorio Nino Novarese
Maquillache Neville Smallwood
Peluquería Bobbie Smith
Colin Jamison
Jan Jamison
Casting Maude Spector
Actors Richard Harris
Alec Guinness
Robert Morley
Dorothy Tutin
Frank Finlay
Timothy Dalton
Patrick Wymark
Patrick Magee
Nigel Stock
Charles Gray
Michael Jayston
Douglas Wilmer
Geoffrey Keen
Stratford Johns
Ian McCulloch
Patrick O'Connell
Anna Cropper
Jack Gwillim
Anthony May
Stacy Dorning
Zena Walker
John Welsh
Robin Stewart
Color Panavision
Technicolor
Datos y cifras
País(es) Reino Uniu
Estaus Unius
Anyo 1970
Estreno 16 de chulio de 1970 Londres (Reino Uniu)[1]
26 d'octubre de 1970 Estaus Unius[1]
Chenero(s) Cine de drama
Cine historico
Cine epico
Cine biografico
Durada 140 min.
Idioma(s) Anglés
Companyías
Productora(s) Irving Allen Productions
Distribución Columbia Pictures
Estudio(s) Shepperton Studios
Presupuesto 9 millons de libras esterlinas
Informacions en bases de datos especializadas:

Cromwell (títol orichinal, estrenada en Aragón con ixe mesmo títol) ye una cinta de cine de drama historico epico biografico coproducida por o cine britanico y lo cine estausunidense, estrenada l'anyo 1970, dirichida por Ken Hughes seguntes un guión orichinal d'él mesmo, con una banda sonora orichinal de Frank Cordell, una dirección de fotografía de Geoffrey Unsworth, una producción cinematografica d'Irving Allen ta la suya productora cinematografica (Irving Allen Productions) y un elenco d'actors d'o cual en fan parte, entre d'atros, Richard Harris, Alec Guinness, Robert Morley, Dorothy Tutin, Frank Finlay, Timothy Dalton, Patrick Wymark, Patrick Magee, Nigel Stock, Charles Gray, Michael Jayston, Douglas Wilmer, Geoffrey Keen, Stratford Johns, Ian McCulloch, Patrick O'Connell, Anna Cropper, Jack Gwillim, Anthony May, Stacy Dorning, Zena Walker, John Welsh y Robin Stewart.

A cinta conta la vida d'Oliver Cromwell, un puritano fervient y antigo miembro d'o Parlamento d'Anglaterra que vive en o campo. Bel día comienza a criticar a politica d'o rei Carlos I d'Anglaterra en comenzar os suyos vecins a tener problemas con l'uso d'as tierras comunals que lo rei cede a ricos terratenients y mas que mas en prencipiar-se a introducir en a Ilesia Anglicana bels rituals que considera amanaus a lo catolicismo. Cromwell heba decidiu marchar con a suya familia enta las colonias en America pero finalment os suyos amigos consiguen convencer-lo ta que remanie y torne a partecipar en a vida politica. O rei, que amenista diners ta financiar o suyo exercito ta fer frent a una invasión d'os escoceses, decide convocar a lo Parlamento, que fea 12 anyadas que no s'heba reuniu, y los puritanos mas exaltaus veyen a suya oportunidat de doblegar a politica d'o rei. Tanimientres, o rei, impregnau d'a concepción de l'orichen divino d'o suyo poder reyal, decide fer presos a cinco destacaus puritanos miembros d'o Parlamento y esclata la guerra entre lo rei y lo Parlamento. Cuan l'exerciro puritano ye redotau en a batalla d'Edgehill, Cromwell, con l'aduya de Thomas Fairfax, creya un nuevo exercito, clamau nuevo exercito modelo, conseguindo la victoria en a batalla de Naseby (encara que uno de sus fillos muere en a batalla) y obligando a lo rei a pactar. Tanimientres, bien luego torna la guerra y consigue capturar a lo rei. Encara que aparentment Carlos accepta bellas condicions, Cromwell descubre que ye fendo chestions ta que atros países catolicos ataquen a Anglaterra y recuperar o suyo poder absoluto y fa que lo Parlamento chuzgue a lo rei por alta traición y lo condene a muerte. Posteriorment, Cromwell luita contra lo Parlamento y remata por establir una autentica dictadura, autidenominando-se "Lord protetor" y establindo lo clamau "O Protectorau" a on atúa cuasi que como rei.

A cinta s'ambienta en Londres, Oxford y atros puestos d'Anglaterra mientres os anyos 1640 y 1650 y las suyas escenas se filmoron en Hatfield (Hertfordshire) en o Reino Uniu y en a sierra d'Urbasa y Pamplona en Navarra en Espanya, amás d'en os Shepperton Studios en Shepperton (Surrey).[2]

Cromwell ye una cinta que ha recibiu cuantos premios y nominacions, en destacando un Preio Oscar a lo Millor Disenyo de Vestuario y una nominación a la Millor Banda Sonora Orichinal en a 43ena edición d'os Premios Oscar, una nominación a los Premios BAFTA (Millor Disenyo de Vestuario) en a suya 24ena edición y una nominación a los Premios Globos d'Oro (Millor Banda Sonora Orichinal) en a suya 28ena edición.

Elenco[3]

[editar | modificar o codigo]
Actor Papel Notas
'

Se veiga tamién

[editar | modificar o codigo]

Referencias

[editar | modificar o codigo]
  1. ↑ 1,0 1,1 (en) Estreno de Cromwell en Internet Movie Database.
  2. ↑ (en) Localizacions de Cromwell en Internet Movie Database.
  3. ↑ (en) Cromwell en Internet Movie Database.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Cromwell_(cinta)&oldid=2274934"