Crash (cinta de 2004)

Iste articlo ye sobre una cinta de cine estausunidense y cine alemán de cine de drama policiaco de l'anyo 2004; ta atros usos, se veiga Crash.

Crash
Títol	Crash
Ficha tecnica
Dirección	Paul Haggis
Dirección artistica	Brandee Dell'Aringa
Producción	Cathy Schulman Don Cheadle Bob Yari Mark R. Harris Bobby Moresco Paul Haggis
Disenyo de producción	Laurence Bennett
Guión adaptau	Paul Haggis Robert Moresco
Basau en	una historia de Paul Haggis
Musica	Mark Isham
Soniu	Rick Ash Derek Lee Bell Zack Davis Keren Falkenstein Tim Farrell Carl Fischer Marc Fishman Sandy Gendler Chato Hill Adam Jenkins Eric Lamb Carrie Lisonbee Darrin Mann Ryan Murphy Andy Potvin Rocky Quiroz Joan Rowe Sean Rowe Joel Shryack Unsun Song Greg Steele Richard Van Dyke Karen Vassar Triest
Fotografía	J. Michael Muro
Montache	Hughes Winborne
Escenografía	Linda Lee Sutton
Vestuario	Linda M. Bass
Maquillache	Ben Nye III Michelle Vittone
Peluquería	RaMona Fleetwood Kerry Mendenhall Bunny Parker Theraesa Rivers Kimberley Spiteri K. Troy Zestos
Efectos especials	Scott M. Austin Dan Edwards Jeffrey Machit Doyle Smiley Ron Trost Bryan Wohlers
Casting	Sarah Finn Randi Hiller
Actors	Don Cheadle Sandra Bullock Matt Dillon Jennifer Esposito Brendan Fraser Terrence Howard Ludacris Thandiwe Newton Michael Peña Ryan Phillippe Larenz Tate Shaun Toub Bahar Soomekh Ashlyn Sanchez Karina Arroyave Loretta Devine Beverly Todd William Fichtner Keith David Jack McGee Greg Joung Paik Alexis Rhee Daniel Dae Kim Nona Gaye Bruce Kirby Tony Danza Kathleen York Sylva Kelegian Marina Sirtis
Color	Panavision
Datos y cifras
País(es)	Estaus Unius Alemanya
Anyo	2004
Estreno	10 de setiembre de 2004 Festival Internacional de Cine de Toronto (Toronto, Ontario, Canadá) 21 d'abril de 2005 Festival de Cine de Newport Beach (Newport Beach, California, Estaus Unius) 4 d'agosto de 2005 Alemanya
Chenero(s)	Cine de drama Cine policiaco
Durada	112 min.
Idioma(s)	Anglés Persa Castellano Chinés mandarín Coreano
Companyías
Productora(s)	Bob Yari Productions DEJ Productions Bull's Eye Entertainment Blackfriars Bridge Productions Harris Company ApolloProScreen Productions
Distribución	Lions Gate Films Universum Film
Presupuesto	6,5 millons de dólars
Recauto	98,4 millons de dólars
Informacions en bases de datos especializadas:

Crash (títol orichinal en anglés, en aragonés Colisión, estrenada en Aragón con o títol mixto de Crash (Colisión)) ye una cinta de cine de drama policiaco coproducida por o cine estausunidense y lo cine alemán, estrenada l'anyo 2004, dirichida por Paul Haggis seguntes un guión adaptau por él mesmo y por Robert Moresco (basau en una historia d'o mesmo Paul Haggis), con una banda sonora orichinal de Mark Isham, una dirección de fotografía de J. Michael Muro, una producción cinematografica de Cathy Schulman, Don Cheadle, Bob Yari, Mark R. Harris, Bobby Moresco y Paul Haggis ta las productoras Bob Yari Productions, DEJ Productions, Bull's Eye Entertainment, Blackfriars Bridge Productions, Harris Company y ApolloProScreen Productions, y un elenco formau por, entre d'atros actors, Don Cheadle, Sandra Bullock, Matt Dillon, Jennifer Esposito, Brendan Fraser, Terrence Howard, Ludacris, Thandiwe Newton, Michael Peña, Ryan Phillippe, Larenz Tate, Shaun Toub, Bahar Soomekh, Ashlyn Sanchez, Karina Arroyave, Loretta Devine, Beverly Todd, William Fichtner, Keith David, Jack McGee, Greg Joung Paik, Alexis Rhee, Daniel Dae Kim, Nona Gaye, Bruce Kirby, Tony Danza, Kathleen York, Sylva Kelegian y Marina Sirtis.

A cinta conta cómo se trescruzan as vidas d'una serie de personas en a ciudat de Los Angeles (California) en cuantos episodios succesivos que los connectan. Se tracta de Graham Waters, un policía en a ciudat, y su companyera Ria; de Kim Lee, una muller coreana que fa trafico ilegal de personas, y su mariu; d'Anthony y Peter, dos chóvens negros chicoz delincuents, estando Peter chirmano de Graham y estando amás emplegau por os superiors d'o suyo chirmano ta presionar-lo; de Rick Cabot, fiscal de districto, y su muller Jean; de Conklin, un policía blanco que mata a Lewis, un policía negro que actuaba encubierto; de Daniel Ruiz, un zarrallero hispano; de John Ryan, un policía frustrau por a falta d'atención medica enta su pai y con actituz racistas; de Cameron Thayer, un director cinematografico y su muller Christine, toz dos afroamericanos; de Farhad, un botiguero d'orichen iraní preocupau por a seguridat d'a suya botiga y que amenista un arma; y de Tom Hansen, un choven policía companyero de Cameron Thayer que demana cambiar de companyero en veyer o suyo comportamiento racista. Toz istos personaches remesclan as suyas vidas en situacions a on toz y cadagún d'éls se troban frent de situacions de racismo, como suchetos activos u pasivos u mesmo actuando las mesmas personas de vegadas como activos de vegadas como pasivos.

A cinta s'ambienta en a suya epoca actual (2004) en Los Angeles (California); y las suyas escenas se filmoron en Los Angeles y Santa Monica (California).

Crash ye una cinta que ha recibiu cuantismos premios y nominacions, en destacando tres Premios Oscar (Millor Cinta, Millor Guión Orichinal y Millor Montache) y atras tres nominacions (Millor Director, Millor Actor Segundario y Millor Canción Orichinal) en 2006 mientres a 78^ena edición d'os Premios Oscar; dos Premios BAFTA (Millor Actriz Segundaria y Millor Guión Orichinal) y atras ueito nominacions (Millor Cinta, Millor Director, Millor Actor Segundario con dos actors nominaus, Millor Fotografía, Millor Montache y Millor Soniu) ixe mesmo 2006 mientres a 59^ena edición d'os Premios BAFTA; un Premio David de Donatello a la Millor Cinta Forana tamién en 2006 mientres a 51^ena edición d'os Premios David de Donatello; una nominación a lo Premio d'o Cine Europeu a la Millor Cinta No Europea en 2005 mientres a 18^ena edición d'os Premios d'o Cine Europeu; y dos nominacions a los Premios Globos d'Oro (Millor Guión y Millor Actor Segundario) en 2006 mientres a 63^ena edición de ditos premios.

Elenco

Actor	Papel	Notas
	'

Se veiga tamién

• Cine en 2004.
• Cintas de 2004.

Vinclos externos

• (en) Crash en Internet Movie Database.

• Datos: Q188000