Coudo (unidat)

Este articlo tracta sobre o coudo como unidat de mesura. Pa atros usos de codo, se veiga Codo (desambigación).

Un coudo.

O coudo ye una unidat de mesura tradicional pa largarias que s'ha emplegau por a-saber-las culturas a lo largo d'a historia por estar d'orichen antropometrica. En orichen, ye a mesura d'a distancia dende o codo dica la punta d'o dido corazón con a mano extendida.

Normalment corresponde con a metat d'una vara y con o doble d'un palmo en a escala de mesuras local. Bels eixemplos de coudos en o nuestro entorno:

• coudo aragonés: De 0,384 metros, yera l'equivalent a 2 palmos aragoneses (19,3 centimetros) y a metat d'una vara aragonesa (0,772 m).
• coudo castellano: De 0,418 metros.

O coudo aragonés, como a resta d'as midas aragonesas, s'estandarizó en as Corz de Monzón de 1553. Teruel y Albarracín en quedoron fuera y por ixo continuoron emplegando unidaz de mesura propias. En 1849, a reina Isabel II sinyó la dentrada d'Espanya en o sistema metrico decimal, o que prevocó lo progresivo abandono d'os sistemas locals d'unidaz d'os antigos reinos.

Se veiga tamién

• Vara (unidat).
• Leugua.
• Palmo (unidat).

Referencias

• Datos: Q6502030
• Multimedia: Cubit arms / Q6502030